काठमाडौं । काठमाडौंको बुढानीलकण्ठ नगरपालिका–१० स्थित बालुवाखानीमा रहेका फेरिल्याण्ड इन्टरनेशनल बोर्डिङ स्कूलले ‘डान्स आईडल २०७६’ सम्पन्न गरेको छ । डान्स आइडलको उपाधि सिनियर तर्फ प्रतिमा राई र जुनियरतर्फ कृतिका गुरुङले जितेका छन् ।

कक्षा नौकी प्रतिमा र कक्षा एककी कृतिकाले प्रथम स्थान हात पारेका विद्यालयका प्रिन्सिपल बिष्णुचन्द्र अधिकारीले जानकारी दिनुभयो ।
यस्तै, सिनियरतर्फ स्नेहा परी द्धित्तीय तथा समृद्ध राज गौतम तृतीय भए भने जूनियरतर्फ खुस्बु थापा मगर द्धित्तीय तथा दिशंक भट्ट तृतीय भए ।

कार्यक्रमका विजयी छात्रछात्रालाई पुरस्कार वितरण गर्दै प्रिन्सिपल अधिकारीले बधाई दिनुभएको थियो । प्रतियोगिता यही पुस ४ गते भएको थियो ।