गिरीप्रसाद बुढा, रुकुम पश्चिम ।
रुकुम पश्चिममा २०९ औं भानु जयन्ती मनाइएको छ । राप्ती साहित्य परिषद जिल्ला शाखा रुकुम पश्चिमको आयोजनामा २०९ औं भानुजयन्ती तथा ९३ औं रुकुम साहित्यमाला कार्यक्रम मध्यपश्चिमाञ्चल विश्वविद्यालय मुसिकोट खलंगा बहुमुखी क्याम्पसको व्यवस्थापनमा कयामपसको सभाहलमा सम्पन्न भएको हो ।
राप्ती साहित्य परिषद् जिल्ला शाखा रुकुम पश्चिमका अध्यक्ष मनलाल ओलीको अध्यक्षता रहेको उक्त कार्यक्रमको प्रमुख अतिथिमा प्रतिशील लेखक संघ नेपालका केन्द्रीय सचिब गिरिप्रसाद बुढा हुनुहुन्थ्यो ।
यसैगरि विशेष अतिथिमा मुसिकोट खलंगा बहुमुखी क्याम्पसका क्याम्पस प्रमुख बुद्धिप्रसाद गौतम हुनुहुन्थ्यो ।
कार्यक्रममा राप्ती साहित्य परिषद् जिल्ला शाखा रुकुम पश्चिमका सल्लाहकार मुकुन्द प्रसाद शर्मा, मेघराज खड्का, जनविकास पुस्तकालयका उपाध्यक्ष नारायणप्रसाद शर्मा, कर्णाली गणतान्त्रिक साहित्य परिषद्का अध्यक्ष खेमराज शर्मा, प्रगतिशील लेखक संघ नेपाल जिल्ला शाखा रुकुम पश्चिमका रुकुम उपाध्यक्ष वीरबहादुर केसी, मुसिकोट खलंगा बहुमुखी क्याम्पसका उपप्राध्यापकहरू हर्कबहहादुर ओली, हरिविष्णु ओली, ढुण्डिराज शर्मा, गंगाबहादुर कार्की, टेकबहादुर ओली, डम्बरबहादुर खड्का लगायत हुनुहुन्थ्यो ।
राष्ट्रिय गान, सहीदहरुप्रति मौन धारण, भानुभक्त आचार्यको तस्बिरमा अबिरआवर तथा माल्र्यापण समेत गरियो । यस कार्यक्रममा करिब दुइ दर्जन बढी स्रष्टाहरुले रचनाहरु वाचन गरेका थिए ।
वाचित रचनाको समीक्षा साहित्यकार मुकुन्दप्रसाद शर्माले गर्नु भएको थियो । यस कार्यक्रमा प्रमुख अतिथि, विशेष अतिथि तथा अतिथिहरूबाट आदिकवि भानुभक्त आचार्यको कृतित्व र व्यक्तित्व विषयमा चर्चा गरिएको थियो ।
मध्यपश्चिमाञ्चल विश्वविद्यालय मुसिकोट खलंगा बहुमुखी क्याम्पस रुकुम पश्चिमका पूर्व सहायक क्याम्पस प्रमुख हर्कबहादुर ओलीको स्वागत मन्तव्य रहेको यस कार्यक्रमको सञ्चालन राप्ती साहित्य परिषद् जिल्ला शाखा रुकुम पश्चिमका सचिब ओमबहादुर खत्रीले गर्नुभएको थियो ।
रुकुम साहित्यमाला कार्यक्रमको ९४ औं श्रंखला भनु विशेष रुपमा सम्पन्न भएको थियो । सो कार्यक्रममा रचनावाचन गर्ने स्रष्टाहरूमा गिरिप्रसाद बुढा, मुकुन्दप्रसाद शर्मा, डम्बरबहादुर खड्का, नारायण प्रसाद शर्मा, हेमन्त आचार्य, प्रताप सुनार, वीरबहादुर केसी, खेमराज खड्का, सत्यनारायण श्रेष्ठ, एक्कबहादुर केसी, हरिपवन पहर खड्का, सीता बुढा मगर, गंगा केसी, इच्छा परियार, धनिषा बाँठा मगर, लक्ष्मी विसी, मुना, पूर्णीमा शाही, कमला केसी, प्रमीला कठायत, ढकेन्द्र केसी, निशाा विक शुशीला बुढाथोकी, झरणा बिसी, खिमला पुन लगायतका हुनुहुन्थ्यो ।
