मिनराज रोका,रोल्पा ।
रोल्पा नगरपालिका वडा नम्बर २ देउराली स्थित सरस्वती प्राथमिक विद्यालयका ३० जना बालबालिकालाई स्विटर हस्तान्तरण गरिएको छ । सत्प्रयास मिडिया ग्रुपको कोशिस अभियन्ताहरुको एक टोलीले विद्यालयमै पुगेर स्विटर हस्तान्तरण गरेको हो ।
जाडो मौसममा पनि स्विटर विना विद्यालय आउन वाध्य विद्यार्थीलाई अभियन्ताहरुले सहयोगका रुपमा स्विटर वितरण गरिएको जनाईएको छ । अभियन्ता कुलबहादु डाँगीका अनुसार आर्थिक अवस्था कमजोर रहेका विद्यार्थीलाई स्विटर दिईएको हो । विद्यालय व्यवस्थापन समितिका अध्यक्ष जगबहादुर वलीको अध्यक्षतामा स्विटर वितरण गरिएको हो ।
अभियन्ताहरुको प्रतिनिधित्व गर्दै काशीराम डाँगी, महेश न्यौपाने, खेम बुढामगर, हेमन्त खत्री, कुलबहादुर डाँगी, सुदिप डाँगी, मुकेश कुवर, दिनेश सुवेदी, गोकर्ण पुनको टोली विद्यालयमा पुगेका थिए। अभियन्ता पहलमान घर्ती, नेपाल मगर संघ रोल्पाका अध्यक्ष कुमबहादुर पुनले समेत स्विटर सहयोग गरेका छन् । अभियन्ताहरुले स्वंसेवी रुपमा स्विटर सहयोग गरेका हुन् ।
समाजसेवी शेरबहादुर डाँगीले तीन जना विपन्न बालबालिकालाई विद्यालय पोशाक दिने प्रतिवद्धता जनाएका छन् । स्विटर वितरण सँगै विद्यार्थीलाई स्वस्थ आनीवानी, खानपान र सरसफाई बारे सिनियर अहेव कुलबहादुर डाँगीले अभिमुखिकरण समेत गरेका थिए।
