काठमाडौं । आज आठौँ अन्तर्राष्ट्रिय योग दिवस विभिन्न कार्यक्रम गरी मनाइएको छ ।  देशैभर योगाभ्यास तथा योगको महत्वबारे प्रवचन गरी यो दिवस मनाइएको हो ।

यस वर्षको अन्तराष्ट्रिय योग दिवसको नारा ‘मानवताका लागि योग’ तय गरिएको छ । योग दिवसका अवसरमा विभिन्न विद्यालयहरुले पनि आफ्ना विद्यार्थीलाई योगको महत्वबारे जानकारी दिनुका साथै योग अभ्यास गराएका छन् ।

यसै सन्दर्भमा काठमाडौंको बूढानीलकण्ठ–१० कपन बालुवाखानीमा रहेको फेरिल्याण्ड इन्टरनेशनल स्कूलले पनि योग दिवस मनाएको छ ।

त्यस अवसरमा स्कुलका विद्यार्थीहरुले उत्सुकताका साथ विभिन्न आसनमा रम्दै योग गरेका थिए ।