काठमाडौं । मूल प्रवाह अखिल भारत नेपाली एकता समाज मध्य दक्षिण क्षेत्रीय समितिका पूर्वअध्यक्ष प्रेम केसीको निधन भएको छ ।

लामो समयदेखि पक्षघात रोगबाट पीडित केसीको अमेरिका निधन भएको मूल प्रवाहले जनाएको छ ।

बाग्लुङ जिल्लाको जैमिनी नगरपालिका वडा न १० राङ्खानी दोभान स्थायी ठेगाना भएका केसी पछिल्लो समय भारतको हैदरावादमा बसोबास गर्दै आउनुभएको थियो ।

उहाँको निधनले मूल प्रवाहलाई अपूरणीय क्षति पुगेको समाजका मध्य दक्षिण क्षेत्रीय अध्यक्ष रामप्रसाद पौडेलले विज्ञप्तिमा जनाउनुभएको छ ।

यस्तो छ शोक वक्तव्य
मूल प्रवाह अखिल भारत नेपाली एकता समाज, मध्य दक्षिण क्षेत्रीय समितिका पूर्वअध्यक्ष प्रेम केसीको निधनको खबरले हामी स्तब्ध भएका छौँ । उहाँ विगत लामो समयदेखि पक्षघात (प्यारालाइसिस) रोगबाट पीडित हुनुन्थ्यो । कान्छो छोरा अमेरिकामा भएकोले केही समय पहिलादेखि अमेरिका मै हुनुन्थ्यो । तर, आज दिनान्क 13/6/22 को विहान उहाँको निधन हुन पुगेको छ।

उहाँले यस मध्य दक्षिण क्षेत्र भित्र रहेर नेपाली हरुका हरेक समस्या लाई लियर उनीहरुको हक हितको लागि संगठनमा निरन्तर खटिँदै आएको सच्चा, इमानदार र कर्मठ नेता हुनुन्थ्यो । उहाँको निधनले हाम्रो सङ्ठन मूल प्रवाह अखिल भारत नेपाली एकता समाज, मध्य दक्षिण क्षेत्रीय समिति मात्रै होइन सिङ्गो संगठनलाई नै अपुरणीय क्षति भएको छ ।

उहाँको घर बाग्लुङ जिल्ला जैमिनी नगरपालिका वडा न १० राङ्खानी दोभान हो र अहिले हैदरावादमा नै बसोबास गर्दै आउनुभएको थियो ।उहाँले श्रीमती, दुई छोरा, छोरी नाति नातिना हरुलाई छाडेर जानुभएको छ । यस दुःखद घडीमा शोक सन्तप्त परिवारजनमा गहिरो समवेदना प्रकट गर्दै शोकलाई शक्तिमा बदल्दै अघि बढ्ने आँट र साहस र हिम्मत मिलोस् भन्दै प्रेम केसीप्रति हार्दिक श्रद्धाञ्जली अर्पण गर्दछौं ।

रामप्रसाद पौडेल
अध्यक्ष, मूल प्रवाह अखिल भारत नेपाली एकता समाज, मध्य दक्षिण क्षेत्रीय समिति