रिष्मेली मेघराज, टोकियो (जापान) ।
बागलुङ जिल्ला काठेखोला गाउँपालिका वडा नं. ५ बिहुँ निवासी हाल जापानको ओसाकामा कुक पेसामा कार्यरत वर्ष ३१ का शालिकराम कँडेलको निधन भएको छ ।
गत राती अर्थात् मे १९, २०२२ का दिन जापानको ओसाकास्थित आमागासी सहरमा उहाँको निधन भएको हो ।
आफू बस्दै आएको कोठाको किचनमा कम्प्युटरको चार्जर (तार) ले पासो लगाई आत्महत्या गरेको जापान नेपाली एकता समाज ह्योगो क्षेत्रीय अध्यक्ष एवम् मृतकका भिनाजु भूवन सापकोटाले युगदर्शन ाई जानकारी दिनुभयो ।
मृतक कँडेल एक वर्षअघि मात्रै कुक पेसामा जापान आएका थिए भने उनकी श्रीमती विष्णु कँडेल जापान आएको एक महिना पनि भइसकेको छैन ।
उनले के कति कारणले आत्महत्या गरे भन्नेबारे अहिलेसम्म खुल्न सकेको छैन ।
मृतक कँडेलका एक छोरी र एक छोरा नेपालमा हजुरआमासँगै छन् ।
उनको भोलि मे २१, २०२० का दिन जापानमै अन्त्यष्टि गरिने भएको छ ।
