खिमराज चालिसे, चंडिगढ ।
मूल प्रवाह अखिल भारत नेपाली एकता समाज चंडिगढ नगरसमितिद्वारा सञ्चालित मोहाली एरिया अन्तर्गत मोहाली टिडिआई टोल समितिको आयोजनामा प्रशिक्षण कार्यक्रम सम्पन्न भएको छ ।

आइतबार सम्पन्न कार्यक्रममा प्रमुख अतिथि मूल प्रवाहका केन्द्रीय सदस्य दिनेश खड्काले नेपालको राजनैतिक परिस्थिती बारे प्रशिक्षण दिनु भएको थियो ।

यस्तै, नगर अध्यक्ष मान बहादुर केसीले संगठनात्मक पद्धतीबारे र नगर सदस्य लिला विकले मूल प्रवाहको इतिहासलगाएतका विषयमा प्रशिक्षण दिनु भएको थियो ।

कार्यक्रम गणेशको सञ्चालनमा तथा दिपकको अध्यक्षतामा सम्पन्न भएको थियो भने बालाराम न्यौपानेले स्वागत गर्नु भएको थियो ।