खिमराज चालिसे, चंडिगढ ।
अन्तर्राष्ट्रिय एकताका लागि प्रवासी नेपाली जनताको मञ्च चंडिगढको आयोजनामा नेकपाको ७४ औँ पार्टी स्थापना दिवस तथा विश्व सर्वहारा वर्गका महान नेता एवम् अक्टुबर क्रान्तिका महानायक लेनिनको १५४ औँ जन्मदिवश मनाइएको छ ।
कार्यक्रममा वक्ताहरुले अन्तर्राष्ट्रिय रुपमा रक्षात्मक अवस्थामा रहेको मार्क्सवाद लेनिनवाद तथा माओ विचारधाराको रक्षा गर्दै साम्राज्यवादी, विस्तारवादीहरु सँग मात्र होइन कम्युनिस्ट आन्दोलन भित्रका सबैखाले अवसरवादी तत्वहरुबाट पनि पार्टी र सिद्धान्तको रक्षा आवश्यक रहेको बताएका छन् ।
लेनिन जयन्ती र पार्टी स्थापना दिवसको महत्वबारे प्रकाश पार्दै बोल्ने वक्ताहरुमा मूल प्रवाह अखिल भारत नेपाली एकता समाजका केन्द्रीय सदस्य दिनेश खडका, केन्द्रीय सदस्य एवम् नेपाली समाचार संयोजक खिमराज चालिसे, सुदूरपश्चिमोत्तर क्षेत्रीय समितीकी जुना चालिसे, महिला क्षेत्रीय विभागकी सिमा खडका, मूलप्रवाह नगरका प्रेम गुरुङ, जनजाति विभागका जितेन्द्र गुरुङ, समाता विभागका दुर्गा विक, रक्तिम विभागका सरस्वता भुसाल, एरिया हरुबाट बालाराम न्यौपाने, बलुराम बन्जाडे, लक्ष्मण पान्डे लगाएत हुनुहुन्थ्यो।
कार्यक्रम किसन खनालको सञ्चालन तथा थमन थापाको अध्यक्षतामा सम्पन्न भएको थियो भने स्वागत मान बहादुर केसीले गर्नुभएको थियो ।
