मेघराज रिष्मेली, जापान ।
जापान नेपाली एकता समाज क्षेत्रीय समिति टोकियोले शुभकामना आदान प्रदान तथा चियापान कार्यक्रम सम्पन्न गरेको छ ।
एकता समाजले नेपाली नयाँ वर्ष २०७९ सालको अवसर पारेर बुधबार (अप्रिल १३ तारिक) का दिन टोकियोको स्पाईसी हब एण्ड बेबी चिकन मिताका हलमा शुभकामना आदान प्रदान आयोजना गरेको हो ।
अन्तर्राष्ट्रिय नेपाली एकता समाजका सदस्य तथा जापान नेपाली एकता समाजका केन्द्रीय अध्यक्ष सालिकराम सापकोटाको कार्यक्रममा प्रमुख आतिथ्यतामा सम्पन्न कार्यक्रममा समाजका केन्द्रीय उपाध्यक्ष डण्ड केसी, क्षेत्रीय सल्लाहकार हरि सापकोटा, वामपन्थी नेता एवम् केन्द्रीय सचिवालय सदस्य बासु शर्माले समसामयिक विषयमा धारणा राख्दै शुभकामना दिनुभएको थियो ।
कार्यक्रममा समाजका केन्द्रीय सचिव धनराज गौतमसहित टोकियोमा रहेका केन्द्रीय पदाधिकारीहरूको पनि आथित्यता रहेको थियो ।
नारायण कडेलको अध्यक्षतामा सम्पन्न कार्यक्रममा क्षेत्रीय सदस्य रमेश केसीले स्वागत मन्तव्य व्यक्त गर्नुभएको थियो ।
