पाल्पा । अखिल नेपाल राष्ट्रिय स्वतन्त्र विद्यार्थी युनियन (छैठौं)ले संघीयता विरुद्व काठमाडौं केन्द्रित आन्दोलन ‘विद्यार्थी मार्च’ को तयारी स्वरुप ५ नम्बर प्रदेशमा संयुक्त भेला गरेको छ । शुक्रबार पाल्पा–गुल्मीको संयुक्त तयारी भेला पाल्पामा सम्पन्न भएको हो ।
भेलाको उद्घाटन अखिल (छैठौं)का अध्यक्ष विमल पोख्रेलले गर्नुभएको थियो ।
विषय वस्तुबारे जानकारी संगठनका महासचिव महेशराज जोशीले दिनुभएको थियो ।
अखिल (छैठौं) का केन्द्रीय सदस्य पुरन पोखरेलको अध्यक्षतामा भएको भेलामा कम्युनिष्ट संग्रालय नेपालका चेतनाथ आचार्य, राष्ट्रिय जनमोर्चाका केन्द्रीय सदस्य सोमकुमार कार्की, अखिल नेपाल युवक संघका केन्द्रीय सदस्य अनिल किशोर घिमिरे, राजमो पाल्पा अध्यक्ष विशाल दर्लामी, अखिल (छैठौं)का जिल्ला उपाध्यक्ष विमला सापकोटा र युवक संघका जिल्ला अध्यक्ष कमल थापाले भेला सफलताको शुभकामना दिनुभएको थियो ।
मनिस ठडराईको सञ्चालनबाट अघि बढेको कार्यक्रममा स्वागत मन्तव्य विनोद कुवँरले राख्नुभएको थियो ।अखिल (छैठौं)ले आगामी फागुन चैत महिनामा संघीयता विरुद्ध काठमाडौं केन्द्रित विद्यार्थी मार्च गर्ने जनाएको छ । मार्चको तयारीका लागि देशब्यापी रुपमा जिल्ला भेलाहरु गरिरहेको छ ।
