बुटवल । राष्ट्रिय जनमोर्चा शियारी शुद्धोदन गाउँपालिकामा स्थानीय चुनाव लक्षित सम्पन्न भएको छ । राजमोका जिल्ला अध्यक्ष बद्रे आलमको प्रमुख आतिथ्यमा २०७८ चैत १० गते सो कार्यक्रम सम्पन्न भएको हो ।
सो अवसरमा नेता आलमले अहिले देश अत्यन्तै सङ्कटको अवस्थाबाट गुज्रिरहेकाले पार्टीको भूमिका महŒवपूर्ण रहेको बताउनुभयो । उहाँले स्थानीय निर्वाचनलाई आन्दोलन रूपमा उपयोग गर्न पनि आग्रह गर्नुभयो ।
राजमो पालिका अध्यक्ष यमबहादुर मगरको अध्यक्षतामा सम्पन्न सो भेलाको सञ्चालन राजमो पालिकासचिव खगेश्वर गिरीले गर्नुभएको थियो ।
भेलाले खगेश्वर गिरीको संयोजकत्वमा संयुक्त स्थानीय निर्वाचन परिचालन समिति र यमबहादुर मगरको संयोजकत्वमा प्रचार प्रसार समिति गठन गरेको छ ।
भेलाले पहिलो चरणमा चैत ११ गतेदेखि १५ दिनसम्म घरदैलो कार्यक्रम सञ्चालन गर्ने र दोस्रो चरणमा पालिकाका मानपकडी, फर्साटिकट, मैनैया र अमुवा बजारमा कोणसभा गर्ने निर्णय गरेको बताइएको छ ।
