अर्घाखाँची । पिपलनेटा बजार विकास संस्थाद्वारा आयोजित दोस्रो पिपलनेटा खुल्ला भलिबलको उपाधि आयोजक टिम पिपलनेटा बजार विकास संस्थाले प्राप्त गरेको छ।
आयोजक पिपलनेटाले अर्घाखाँची बुलेटिनलाई हराउँदै उपाधि रक्षा गरेको हो । तेस्रो स्थानमा सन्धिखर्क नगरपालिका वार्ड न ११ रहेको छ ।
भलिबल प्रतियोगितामा प्रथम द्वितीय र तृतीय हुनेले क्रमशः ५१ हजार ५ सय, ३१ हजार ३ सय र २१ हजार १ सय ट्रफी मेडल र प्रमाणपत्र प्राप्त गरेका छन् ।
भने भलिबल खेलको उत्कृष्ट खेलाडी अर्घाखाँची बुलेटिनका सुरेन्द्र गुराउ र उत्कृष्ट अनुशासन पुरस्कार आयोजक टिमका देवेन्द्र सिङ्जाली मगरले प्राप्त गर्नुभएको छ ।
खेल अवधिमा खेलको बारेमा उत्कृष्ट कलम चलाइ पत्रकारको भूमिका निर्वाह गरेको भन्दै पत्रकार माधव खनाललाई नगद र प्रमाणपत्रसहित आयोजकले सम्मान गरेको थियो ।
बिगत एक दसकदेखि अर्घाखाँचीमा रही निरन्तर रूपमा पत्रकारिता गर्दै आउनुभएका खनाल अर्घाखाँची बुलेटिन, अर्घाखाँची डटकम, कामना दैनिक, दर्पण दैनिक, सन्धिखर्क एफएम, प्युठान एफएम, सगर्व एफएम, अर्घाखाँची एफएम लगायत आधा दर्जन भन्दा धेरै मिडियामा आवद्ध हुनुहुन्छ ।
होलि पर्व (फागु पुर्णिमा) को अवसर पारी आयोजना गरिएको खुल्ला भलिबल प्रतियोगितामा जिल्ला र जिल्ला बाहिरका गरि १२ टिमको सहभागिता रहेको थियो तीन दिनसम्म चलेको भलिबल प्रतियोगिताको रेफ्री विश्व राना र आकाश बेल्बासे रहनुभएको थियो ।
समापन समारोहमा भूमिकास्थान नगरपालिका नगर प्रमुख रेशम थापाले प्रमाणपत्र र भूमिकास्थान १ का अध्यक्ष भोजराज खनाल, प्युठान जिल्ला मल्लरानी गाउँपालिका २ का अध्यक्ष लेखबहादुर थापाले पुरस्कार वितरण गर्नुभएको थियो ।
कार्यक्रमको अध्यक्षता पिपलनेटा बजार विकास संस्थाका अध्यक्ष तिलक खनालको अध्यक्षता उपाध्यक्ष विष्णु खनालको सन्चालनमा सम्पन्न भएको थियो ।
