भिवाडी (भारत) । मूल प्रवाह अखिल भारत नेपाली एकता समाज नगर समिति भिवाडीको आयोजनामा आठौं अखिल भारत सम्मेलन सन्देश सभा सम्पन्न भएको छ।
कृष्टि राईको सन्चालनमा भएको कार्यक्रमको अध्यक्षता नगर अध्यक्ष काजी राम श्रेष्ठले गर्नु भएको थियो । केन्द्रीय सदस्य बाबुराम बस्नेत प्रमुख अतिथि रहनु भएको उक्त कार्यक्रममा अन्य अतिथिहरुमा क्षेत्रीय सदस्य राम प्रसाद घिमिरे र किशोर राई, रक्तिम विभागबाट राम बहादुर थापा, विद्यार्थी विभागबाट सृष्टि राई हुनुहुन्थ्यो ।
केन्द्रीय सदस्य बस्नेतले सङ्गठनभित्र बेलाबेलामा झिनामसिना समस्या आइरहने हुँदा त्यस्ता समस्यासँग हटेर होइन डटेर सामना गर्नुपर्ने बताउनुभयो । उहाँले सङ्गठनको मूल बाटो बिराएर गएका साथीहरूलाई पुनः मूल घरमा फर्कन अनुरोध गर्नु भयो ।
मूल प्रवाह अखिल भारत नेपाली एकता समाज एउटा विशाल र प्रवासी नेपालीहरुको अभिभावकीय सङ्गठन भएको हुँदा पूर्वाग्रह राखेर सङ्गठनलाई केही तत्वले बदनाम गर्न खोज्नेहरु बालुवामा पानी बिलाए जसरी बिलाउने र अन्यथा जनतहरुले त्यस्ता तत्वलाई नछाड्ने भन्दै तस्ता तत्वलाई बेलेैमा सुध्रिन पनि सचेत गर्नु भएको थियो ।
ज्ञात–अज्ञात शहिदहरुप्रति एक मिनेट मौन धारणा पछी उपस्थित जनसमुदायलाई नगर सदस्य अमृत केसीले स्वागत गर्नु भएको थियो । उक्त सन्देश सभामा महिला विभागकी अध्यक्ष कल्पना केसी र यामी पन्थीले आ–आफ्नो धारणा राख्नु भएको थियो ।
क्षेत्रीय सदस्य राम प्रसाद घिमिरेर किशोर राई र रक्तिम विभागबाट राम बहादुर थापा, त्यस्तै यूआरटी एरिया समितिका सचिव नारायण तिवारी, नगर समितिबाट अर्जुन नेपाली, डिबि राना र रमेश परियारले कार्यक्रममा सम्बोधन गर्नुभएको थियो ।
कार्यक्रममा आठौं अखिल भारत सम्मेलनमा रक्तिम सांस्कृत नृत्य प्रस्तुत गर्नु हुने कलाकारहरु सृष्टि राई र रानी थापालाई प्रमुख अतिथी बस्नेत र रक्तिम विभागका सदस्य राम बहादुर थापाले सम्मान स्वरुप सम्मान पत्र र पुरस्कार हस्तान्तरण गर्नु भएको थियो । कार्यक्रमको बिच बिचमा रक्तिमका कलाकारहरूले आफ्नो जोशीले जनवादी गीत र नृत्य प्रस्तुत गर्नु भएको थियो ।
धारुहेडा एरिया समिति गठन
त्यसै गरि सोही दिन धारुहेडा एरिया समितिको गठन गरिएको छ । क्षेत्रीय सदस्य तथा नगर उपाध्यक्ष राम बहादुर थापाको विशेष पहलमा र केन्द्रीय सदस्य कृष्टी राईको उपस्तिथिमा नौ सदस्यीय धारुहेडा एरिया समिति गठन गरिएको छ ।
समितिको अध्यक्ष, ध्रुब थापा, सचिव सबिता खत्री र कोषाध्यक्ष रवि केसी तथा सदस्यहरुमा क्रमशः मनिष गुरुङ्ग, नरेश जिसी, शमशेर गैरे, पार्वती, सुशील र सन्जय कुमाल रहनु भएको छ ।
वक्ताहरूले सो एरिया समितिको सफलताको लागि शुभकामना पनि दिनु भएको थियो ।
