खिमराज चालिसे, चंडिगढ ।
पञ्जाब राज्यको रोपडमा मूल प्रवाह अखिल भारत नेपाली एकता समाज टोल समितिका सक्रिय सदस्य टेकबहादुर लुङ्गेलीको निधन भएको छ। धनुषा जिल्लाको धारापानी गाउँपालिकाका ५५ वर्षीय टेकबहादुरको ह्रदयघातका कारण निधन भएको हो ।

उहाँको मूल प्रवाहले सम्मानका साथ अन्त्येष्टि गरेको छ । टेकबहादुरको पार्थीव शरीरमा समाजका केन्द्रीय सचिव प्रेम सापकोटाले मूल प्रवाहको झणडा ओढाएर सम्मान प्रकट गर्नुभएको थियो ।

अन्त्येष्टिमा मूल प्रवाहका नेता कार्यकर्ता, परिवारिक सदस्य, आफन्तजन तथा स्थानीय नेपाली समुदायको सहभागिता रहेको थियो।

मृतक टेक बहादुर लुङ्गेलीको अन्तिम संस्कारका क्रममा एक मिनट मौनधारणसहित श्रद्धाञ्जली दिइएको समाजका केन्द्रीय सचिव सापकोटाले जानकारी दिनुभयो ।

उहाँ हाल रोपड को घनौलीस्थित अम्बुजा सिमेन्ट कारखानामा कार्यरत हुनुहुन्थ्यो ।