लोकेन्द्र पौडल, दक्षिण भारत ।
मूल प्रवाह अखिल भारत नेपाली एकता समाज दक्षिण भारत क्षेत्रीय समिति अन्तर्गत चेन्नै महानगर भित्रका पूर्व, पश्चिम, उत्तर र दक्षिण नगर समितको संयुक्त आयोजनामा सन्देश सभा सम्पन्न भएको छ । दिनाङ्क २७, २८ फेब्रुअरी र १ मार्चका दिन फरिदाबादमा सम्पन्न ऐतिहासिक अखिल भारत एकता सम्मेलनको शन्देस सभा गरिएको हो ।
कार्यक्रममा सम्बोधन गर्दै समाजका महासचिव कुल बहादुर थापाले संगठनमा गुटबन्दी गर्न खोज्ने दक्षिण भारतका केही अराजक तत्वहरु अहिले घर न घाटको भएको बताउनुभयो । उहाँले अनुशाशित र दृढतापूर्वक संगठनको जिम्मेवारी लिएर श्रमजीवी जनताको हित र देशको राष्ट्रियताको पक्षमा लाग्न सबैसँग आग्रह गर्नुभयो ।
केन्द्रीय कोषाध्यक्ष मदन शर्माले बिषम परिस्थितीमा संगठनको नीति र नियममा रहेर आठौं सम्मेलन सफल पार्न अहम भूमिका निभाएकोमा सम्पूर्ण चेन्नैवासी कार्यकर्तालाई धन्यवाद दिनु भयो । मूल प्रवाहका केन्द्रीय परिषद सदस्य तथा चेन्नै पश्चिम क्षेत्रीय अध्यक्ष चन्द्र बहादुर थापाले उक्त सन्देश सभामा आफ्ना मन्तव्य राख्नु भएको थियो ।
कार्यक्रममा केन्द्रीय सल्लाहकार सदस्य केशमान नेपाली, केन्द्रीय परिषद सदस्य ओमाकान्त शर्मा, काशीराम शर्मा, कोटी प्रसाद पोख्रेल, उमानन्द चालिसे, क्षेत्रीय महीला विभागबाट लक्ष्मी चालिसे र हाउसको तर्फबाट चिन्तामणी शर्माले शुभकामना दिनु भएको थियो । कार्यक्रमको अन्तमा केन्द्रीय परिषद तथा चेन्नै उत्तर नगर अध्यक्ष गोपाल विकले धन्यबाद ज्ञापन गर्नुभएको थियो ।
कार्यक्रममा केन्द्रीय सदस्य तथा दक्षिण भारत क्षेत्रीय अध्यक्ष चन्द्र बहादुर थापा, वैकल्पिक केन्द्रीय सदस्य केशमान नेपाली, रक्तिमका केन्द्रीय अध्यक्ष मोहराज चालिसे, केन्द्रीय परिषद सदस्य कोटी प्रसाद पोख्रेल, काशिराम शर्मा, गोपाल विक, ओमाकान्त शर्मा, उमानन्द चालिसे, लोकेन्द्र पौडेल र महिला विभाग क्षेत्रीय सदस्य लक्ष्मी चालीसेको आतिथ्यता रहेको थियो ।
नगर समितिका अध्यक्ष बुद्विराम पौडेलको अध्यक्षतामा अघि बढेको उक्त कार्यक्रमको सञ्चालन केन्द्रीय परिषद सदस्य तथा चेन्नै पूर्व अध्यक्ष लक्षुमण चालिसेले गर्नुभएको थियो । रक्तिमका कलाकारहरुले उपस्थित जनमानसलाई गीत र संगितबाट स्वागत गर्नुभएको थियो भने केन्द्रीय परिषद सदस्य तथा दक्षिण भारत क्षेत्रीय कोषाध्यक्ष लोकेन्द्र पौडेलले शब्दद्वारा स्वागत गर्नुभएको थियो ।
