खिमराज चालिसे, भारत ।
मूल प्रवाह अखिल भारत नेपाली एकता समाजले सिलण्डिर ग्यास विस्फोटबाट घाइते भएका एक युवकलाई उपचारका लागि आर्थिक सहयोग गरेको छ ।
भारतको हैदरावादस्थित रेहडीमा कार्यरत २० वर्षीय नेपाली युवक आशिष सूर्यवंशी ग्यास सिलिन्डर फुटेर घाइते भएका हुन।
मूल प्रवाह सुदूर पश्चिमोत्तर क्षेत्रको रोपड नगर समितिले आर्थिक सङ्कलन गरी आशिषलाई ३० हजार २४० नेपाली रुपियाँ सहयोग गरेको हो ।
आर्थिक अवस्था धेरै नै कमजोर भएको हुँदा उनलाई मूल प्रवाह अखिल भारत नेपाली एकता समाज रोपड समितिले आर्थिक सङ्कलन गरी उनका आफन्त खिमबहादुर पेगीमार्फत् रकम हस्तान्तरण गरिएको मूल प्रवाह नेपाली एकता समाजका क्षेत्रीय सदस्य छविलाल सापकोटाले जानकारी दिनुभयो ।
गुल्मी जिल्ला, गुल्मीदरबार गाउँपालिका वडा नं. ३ राजा नेपाल निवासी सीता सूर्यवंशीको छोरा आशिष सूर्यवंशी रोजगारीको सिलसिलामा हैदरावादस्थित एक रेहडीमा काम गर्दथे । सो क्रममा गत महिना ग्यास सिलेन्डर फुट्दा आगो लागी ६० प्रतिशत शरीर जलेको थियो ।
