खिमराज चालिसे, चंडिगढ ।
मूल प्रवाह अखिल भारत नेपाली एकता समाजले आफ्नो आठौं राष्ट्रिय सम्मेलन नजिकिँदै जाँदा संगठन विस्तार पनि अझै तीब्र गतिमा निर्माण गरिरहेको छ ।
यसै क्रममा मूल प्रवाह सुदूरपश्चिमोत्तर क्षेत्रको कुरुक्षेत्रमा क्षेत्रीय सदस्य प्रेम आचार्यको प्रमुख आथित्यतामा सम्पन्न भेलाले नगर संगठन समिति निर्माण गरेको छ ।
भेलाको उद्घाटन गर्दै आचार्यले सबैखाले अवसरवादी हरुको चरित्र प्रर्दाफास गर्दै ऐतिहासिक आठौं अखिल भारत सम्मेलनले संगठन थप मजबुत हुने विश्वास व्यक्त गर्नुभएको थियो ।
भेलाले एकदेव गौतमको अध्यक्षतामा १३ सदस्यीय कुरुक्षेत्र नगर संगठन समिति निर्माण गरेको छ । जसको उपाध्यक्षमा हीरा बहादुर गुरुङ, सचिव ज्योति गुरुङ, कोषाध्यक्ष दुर्गा सोमई, सदस्यहरुमा जगनाथ नेपाल, सोम बहादुर गुरुङ, भीम बहादुर थापा, मेनुका गुरुङ, प्रेम बहादुर विक, दुर्गा गुरुङ र अन बहादुर बराल रहनुभएको छ ।
हिरा बहादुर गुरुङको अध्यक्षतामा तथा दुर्गा बहादुर सोमईको सञ्चालनमा सम्पन्न कार्यक्रममा स्वागत ज्योति गुरुङले गर्नुभएको थियो ।
