खिमराज चालिसे, चंडिगढ ।
मूल प्रवाह अखिल भारत नेपाली एकता समाजको मोहालीमा संगठन विस्तार भएको छ । चंडिगढ नगरसमितिद्वारा सञ्चालित मोहाली एरिया समितिको आइतबार फेस ९ को इन्डस्ट्रियल एरियामा आठौं अखिल भारत सम्मेलन प्रचारात्मक भेलाले टोल समिती गठन गरेको हो ।
महिला क्षेत्रीय सदस्य सिमा खड्काको विषेश पहलमा आयोजित भेलामा मूल प्रवाहका केन्द्रीय सदस्य दिनेश खडकाले आठौं अखिल भारत सम्मेलनको ऐतिहासिक महत्व र मूल प्रवाहको विधान, घोषणापत्र लगायत विषयमा प्रशिक्षण दिनु भएको थियो ।
भेलाले सिता खड्काको अध्यक्षतामा ११ सदस्यीय जनशक्ति नामक टोल समिति गठन गरेको छ । समितिको सचिवमा शंकर सुजी, कोषाध्यक्ष अरुण गतराज र सदस्यहरुमा हरि कुँवर, माया सुजी, पूर्णबहादुर विक, भानमति बुढामगर, दुर्गा रिजाल, सावित्रा कुँवर, बविता गहतराज, डिला शर्मा रहनु भएको छ।
नवनिर्वाचित समितिलाई मूल प्रवाह सुदूरपश्चिमोत्तर क्षेत्रीय सल्लाहकार तथा महिला सचिव जुना चालिसे र क्षेत्रीय महिला सदस्य सिमा खड्काले बधाई तथा शुभकामना दिनुभएको थियो भने एरिया सदस्य लक्ष्मी क्षेत्री र मोहन बुढाको पनि आथित्यता रहेको थियो।
