बेल रजाली मगर (भारत) । मूल प्रवाह अखिल भारत नेपाली एकता समाजको पहलमा कोरोना विरुद्वको खोप लगाउनबाट बञ्चित नेपालीहरुलाई खोप लगाइएको छ ।

एकता समजा नारनौल नगर समितिको आयोजनामा आधार कार्ड नभएर कोरोना विरुद्वको खोप लगाउनबाट बञ्चित भएका नेपालीहरुलाई खोप लगाइएको हो । शुक्रबार एकता समाज नारनौल नगर समितिको आयोजना र नारनौलको सिविल हस्पिटलको सहयोगमा सो कार्य सम्पन्न गरिएको छ ।

मूल प्रवाह अखिल भारत नेपाली एकता समाज मध्यपश्चिमोत्तर क्षेत्रीय समितिका सहसचिव इश्वरी आचार्यका अनुसार २५ जना आधार कार्ड नभएका र ३ जना आधार कार्ड भएर पनि खोप लगाउनबाट बञ्चित भएका नेपालीहरुलाई खोप लगाइएको थियो ।

अझै छुटेका नेपालीहरुले आउँदो सोमवारसम्म पनि खोप लगाउन पाउने व्यवस्था मिलाइएको मूल प्रवाह अखिल भारत नेपाली एकता समाज नारनौल नगर समितिले जानकारी दिएको छ ।