खिमराज चालिसे, चंडिगढ ।
रोल्पा जिल्लाको लिबाङ्ग नगरपालिका –९ ह्वामा, गर्पाका विकास विककी ३१ वर्षीया श्रीमती संगिता विक विगत १ वर्षदेखि क्यान्सर रोगबाट पीडित छिन्।

आर्थिक अवस्था कमजोर रहेको संगीताका आफन्तले उपचारका लागि सहयोगको अपिल गरेका छन् ।

गतवर्ष उपचारको लागि भारतको चंडिगढस्थित पीजीआईमा संगितालाई लिएर आएका श्रीमानले एकवर्षदेखि उपचार गराइ रहँदा आफ्नो आर्थिक अवस्था कमजोर भएको र उपचार खर्च पुरा गर्न नसकेको भन्दै मूल प्रवाह अखिल भारत नेपाली एकता समाज चंडिगढ नगरसमितिलाई सहयोगको अपिल गरेका छन् ।

पीडित संगितालाई विभिन्न संघसस्था तथा व्यक्तिगत रुपले सहयोग गरिदिन वा उनलाई सहयोग गर्न विकास विक मोबाइल नम्वर ९१–८२८३०४४३४६ मा सम्पर्क गरी सहयोग गरिदिन मूल प्रवाह चंडिगढले अनुरोध गरेको छ ।