खिमराज चालिसे, चंडिगढ ।
मूल प्रवाह अखिल भारत नेपाली एकता समाजकोे पंचकुलामा संगठन विस्तार भएको छ ।

आठौं अखिल भारत सम्मेलनलाई केन्द्रीत गर्दै सञ्चालित प्रचारात्मक अभियान अन्तर्गत बिहिबार चंडिगढ नगरसमिद्वारा पंचकुला सेक्टर २० मा सदस्यता वितरण तथा संगठन निर्माण गरिएको हो ।

मूलप्रवाहका सुदूर पश्चिमोत्तर क्षेत्रीय सदस्य प्रेम आचार्य र महिला नगर संयोजक माया आचार्यको विषेश उपस्थितिमा भेला सम्पन्न भएको थियो ।

सम्पन्न भेलामा वर्तमान अवस्था भारतस्थित नेपालीहरुका समस्या तथा मूलप्रवाहको आवश्यकता लगाएतका समसामयिक विषयहरुमा छलफल गरिएको थियो ।

सो भेलाले दिपक सुनारको अध्यक्षतामा ७ सदस्सीय टोलसमिति समेत गठन गरेको छ । समितिको सचिवमा राजकुमार विक, कोषाध्यक्ष आकाश कुमार विक तथा सदस्यहरुमा सन्तोष विक, रामबहादुर विक, कृष्णा सुनार र विष्णु बस्नेत रहनु भएको छ।