काठमाडौँ । युवा तथा विद्यार्थीहरूलाई सहकारीसम्बन्धी सचेतना अभिवृद्धि गर्ने उद्देश्यका साथ अवसर बचत तथा ऋण सहकारी संस्थाको आयोजनामा वक्तृत्वकला प्रतियोगिता सम्पन्न भएको छ ।
आधारशीला कलेज तथा अक्सफोर्ड माध्यमिक विद्यालयका विद्यार्थीहरू प्रतिस्पर्धी रहेको सो कार्यक्रम २०७८ पुस २५ गते आधारशीला कलेजको प्राङ्गणमा सम्पन्न भएको हो ।
आधारशीला कलेजका अध्यक्ष भोला ढकालको अध्यक्षता, कलेजकी कोओर्डिनेटर सुगीता शाहको सञ्चालनमा अगाडि बढेको प्रतियोगिताको निर्णायक मण्डलमा डा. कौशिला रिसाल र दुर्गा चालिसे हुनुहुन्थ्यो ।
कार्यक्रमको अतिथिहरूमा क्याम्पस प्रमुख राजेन्द्र ढकाल, डा. चूडा ढकाल, चपला ढकाल, समीर सिंह, विष्णुहरि देवकोटा, रमेश पौडेललगायत हुनुहन्थ्यो ।
सबै प्रतिस्पर्धी विद्यार्थीहरूले एकदमै तार्किक तथा विषयवस्तुलाई समेट्दै आफ्नो प्रस्तुति दिएपछि निर्णायक मण्डलले विजेताको घोषणा गरेको थियो ।
आधारशीला कलेजका प्रतिस्पर्धीहरूमध्ये प्रथम, द्वितीय र तृतीय इलैया पाठक, सुमी लामिछाने र अङ्किता अम्गाई हुनुभएको थियो भने अक्सफोर्ड माविबाट सुरज थापामगर, झरना तिवारी र अनिशा पन्त प्रथम, द्वितीय र तृतीय हुनुभएको थियो ।
विजेताहरूलाई अवसर बचत तथा ऋण सहकारी संस्थाको साधारण सभामा आकर्षण पुरस्कारसमेत वितरण गरिएको छ ।
