हङकङ । बागलुङ समाज हङकङको आठौं महाधिवेशन सम्पन्न भएको छ । किरात याक्थुङ चुम्लुङ हिम कार्यालय संघाई स्टृत जोर्दन काउलुनमा सम्पन्न महाधिवेशनले अमृता राना थापाको अध्यक्षतामा नयाँ कार्यसमिति चयन गरेको छ ।
समाजको वरिष्ठ उपाध्यक्षमा टिकाराम कंडेल, उपाध्यक्ष चन्द कोषाध्यक्ष तेजेन्द बहादुर श्रीस र सह कोषाध्यक्ष दीपक कंडेल चयन हुनुभएको छ । सदस्यहरुमा कल्पना काउचा पुन, मिना पुन, गिता सुनार, राधिका गौतम, लोकनाथ उपाध्याय, गंगा थापा पुन, पदमा पुन, नित्रा हितान थापा, राजु श्रेष्ठ र गुमान सिंह रहनुभएको छ ।
मान बहादुर थापाको अध्यक्षता र सक्तमान बुढाथोकीको सन्चालनबाट अघि बढेको कार्यक्रममा नेपाली महावाणिज्यदूत उदय राना मगर प्रमुख अतिथि हुनुहुन्थ्यो । यस्तै, हङकङ नेपाली महासंघकी अध्यक्ष रिता गुरुङ, मोना समाज हङकङ महिला विभाग प्रमुख रुपा रामजाली मगर, पूर्व सल्लाहकार प्रमुख क्याक्टेन जंग बहादुर राना, संस्थापक अध्यक्ष बम बहादुर पुन, निवर्तमान सल्लाहकार प्रमुख देवान सिंह पुनको आतिथ्यता रहेको थियो ।
यस्तै, बाग्लुङ समाज खेलकुद विभागका अध्यक्ष मेकराज पुन, महिला विभाग प्रमुख खुमा राना, सांस्कृतिक विभाग नौमती बाजा समूहका अध्यक्ष टेक बहादुर थापाको पनि आतिथ्यता रहेको थियो ।
कार्यक्रममा समाजले महावाणिज्यदूत राणा र हङकङ नेपाली महासंघका नवनिर्वाचित अध्यक्ष रिता गुरुङलाई सम्मान गरेको थियो ।
बन्द सत्रमा देवान सिंह पुनका अध्यक्षतामा राम श्रीस र राजेश श्रेष्ठ रहेको अध्यक्षमण्डल गठन गरिएको थियो भने विधान संशोधन सुझाव समितिमा बम बहादुर पुन अध्यक्ष तथा टिकाराम कंडेल र कल्पना काउचा पुन सदस्य रहनुभएको थियो ।
यस्तै, याम बहादुर बुढाथोकीको अध्यक्षतामा निर्वाचन समिति गठन गरिएको थियो । जसको सदस्यामा डा. चुरा थापा र चन्द बहादुर पुन रहनुभएको थियो ।
बन्द सत्रमा सांगठनिक प्रतिवेदन सचिव सक्तमान बुढाथोकीले प्रस्तुत गर्नु भएको थियो भने आर्थिक प्रतिवेदन कोषाध्यक्ष तेजेन्द बहादुर श्रीसले प्रस्तुत गर्नु भएको थियो ।
