नवलपुर । नवलपुर जिल्लाको हुप्सेकोट गाउँपालिकामा अखिल (छैठौं) को प्रशिक्षण सम्पन्न भएको छ । अखिल (छैठौं) केन्द्रीय समितिको निर्णय अनुसार चलिरहेको ‘विद्यालयदेखि विश्वविद्यालय’ अभियानको शुभारम्मसँगै पालिकास्तरीय प्रशिक्षण सम्पन्न गरिएको हो ।
प्रशिक्षणात्मक भेलालाई सम्बोधन गर्दै अखिल (छैठौं) का केन्द्रीय सदस्य तथा नवलपुर जिल्ला ईन्चार्ज रिसव आचार्यले संगठनको अनुशासनमा नरहने व्यक्तिलाई संगठनभित्र कुनै स्थान नरहेको बताउनु भयो ।
केन्द्रीय सदस्य आचार्यले सम्पूर्ण विद्यार्थीहरु शैक्षिक विकृति र समस्या हरुको विरुद्ध संघर्ष गर्न अखिल (छैठौं) मा आवद्ध हुन पनि आह्वान गर्नुभयो । उहाँले हरेक शैक्षिक समस्या, शैक्षिक विकृति, राष्ट्रघाति सम्झौताहरु, हिंसा,अन्धविश्वास, बलात्कार जस्तो जघन्य अपराधको विरुद्ध निरन्तर संघर्ष गर्ने एक मात्र संगठन अखिल (छैठौं) नै रहेको उल्लेख गर्नुभयो ।
उहाँले अहिले केही झुन्डहरु संगठनको अनुशासनमा बस्न नसकेर संगठन विरोधि गतिविधि गरिरहेको हुनाले सचेत रहन आग्रह गर्नु भएको थियो ।
कार्यक्रममा अखिल (छैठौं) गण्डकी प्रदेश सदस्य सुजन पौडेल र राष्ट्रिय जनमोर्चाका नेता राम बहादुर लामाले शुभकामना मन्तब्य राख्नुभएको
कार्यक्रममा अखिल (छैठौं)का गण्डकी प्रदेश सदस्य सुजन पौडेलको पनि आतिथ्यता रहेको थियो ।
अखिल (छैठौं) हुप्सेकोट गाउँपालिकाका अध्यक्ष सन्दीप थापाको अध्यक्षता, सचिव राहुल थापाको सन्चालन र सदस्य कुलबहादुर लामाकोको स्वागत मन्तब्यमा कार्यक्रम सम्पन्न भएको थियो । कार्यक्रममा पालिका भित्रका विद्यार्थीहरुको उल्लेखनीय सहभागिता रहेको थियो ।
