बागलुङ । बागलुङको तंग्रामस्थित श्री धारा माध्यमिक विद्यालयको ४३ औं स्थापना दिवस विविध प्रतियोगितात्मक कार्यक्रम गरि मनाइएको छ ।

विद्यालयका सल्लाहकार एवम् आर्थिक समितिका संयोजक थिर बहादुर रानाको अध्यक्षता र पूर्वअध्यक्ष एवम् सल्लाहकार तिलक थापाको प्रमुख आतिथ्यतामा सम्पन्न उक्त कार्यक्रममा शिक्षक भिम बहादुर विकले स्वागत र प्रधानाध्यापक कमला थापाले कार्यक्रमको औचित्यतामाथि प्रकाश पार्नु भएको थियो ।

शिक्षक कर्ण बहादुर पुन र तसलिमा पुनले संयुक्त रुपमा सञ्चालन गर्नुभएको उक्त कार्यक्रममा श्री मुक्तिनाथ आधारभुत विद्यालयका प्रअ भैरब बहादुर थापा, काठेखोला गाउँपालिकाका कार्यपालिका सदस्य टिका संगम विक र प्रमुख अतिथि तिलक थापाले शुभकामना मन्तब्य राख्नुभएको थियो ।

विद्यालयले आयोजना गरिएको ४३ औं स्थापना दिवसको उपलक्ष्यमा बक्तृत्वकला प्रतियोगिता, हस्तलेखन प्रतियोगिता, बेलुन डान्स र बेलुन फुटाउ प्रतियोगिता आयोजना गरिएको थियो ।

२१ औं शताब्दीको ‘प्रतिस्पर्धा र गुणस्तरीय शिक्षामा प्रविधिको प्रयोग’ विषयमा कक्षा ११ र १२ का विद्यार्थीहरुको बिचमा गरिएको वक्तृत्वकला प्रतियोगितामा सर्मिला परियार प्रथम, इच्छा थापा द्धितिय र पुर्णीमा पुन तृतिय भएका छन् ।

त्यसैगरि ‘राष्ट्र निर्माणमा युवा विद्यार्थीको भूमिका’ विषयमा कक्षा ९ र १० को विद्यार्थीबिच भएको प्रतियोगितामा ज्योति पुन प्रथम, जिस्मिता पुन द्धितिय र इच्छा विक तृतिय भएका छन् ।

‘फैलदो कोरोना भाइरस र जोगिने हाम्रो प्रयास’ विषयमा कक्षा ६ देखि ८ सम्मका विद्यार्थीहरुको बिचमा गरिएको वक्तृत्वकला प्रतियोगितामा ज्ञानु कँडेल प्रथम, सञ्चिता कँडेल द्धितिय, दिपा थापा र आशिका थापा तृतिय भएका छन् ।

कक्षा ४ र ५ का विद्यार्थीहरुलाई लक्षित गरि हस्तलेखन प्रतियोगितामा गंगा थापा प्रथम र मनोज बोहोरा द्धितिय भएका छन् । त्यसैगरि कक्षा २ र ३ का विद्यार्थीहरुको बिचमा गरिएको बेलुन डान्स प्रतियोगितामा भुपेन्द्र पुन र दिप्लक थापा प्रथम, बिनिता किसान र सुमिना किसान द्धितिय र आदित्य थापा र सुर्दशन थापा तृतिय भएका छन् ।

त्यस्तै कक्षा १ का विद्यार्थीहरु सम्मिलित बेलुन फुटाई प्रतियोगितामा सुप्रिया थापा प्रथम, रक्षा पुन द्धितिय र आँचल थापा तृतिय भएका छन् ।

त्यसैगरि नर्शरीका विद्यार्थीहरु बिच भएको बेलुन फुटाई प्रतियोगितामा आकृति किसान प्रथम, सुहानी किसान द्धितिय र रिवाज थापा तृतिय भएका छन् । सोही प्रतियोगिताको प्ले ग्रुफ तर्फ प्रथम स्वप्नीम पुन, द्धितिय दिप्लक थापा र सुप्रिया किसान तृतिय छन् ।