चन्द्रकान्त शर्मा, पाण्डेचेरी/धर्मराज शर्मा, कोट्याम ।
अन्तर्राष्ट्रिय ऐक्यवद्धताको लागि नेपालीहरुको मञ्चको आयोजनामा पाण्डेचेरी नगरमा १४४औं स्टालिन दिवश मनाइएको छ । कार्यक्रम मूल प्रवाहका केन्द्रीय सदस्य भगवती कुँवरको प्रमुख आतित्थ्यता भएको थियो ।
गंगाराम शर्माको अध्यक्षता तथा विष्णु शर्माको सञ्चालनबाट अगाडि बढेको सो कार्यक्रममा अतिथिहरुको आसन ग्रहण पश्चात् शहिदहरुप्रति एक मिनेट मौनधारण गरिएको थियो । कार्यक्रममा सहभागहरुलाई भद्र बहादुर श्रीसले स्वागत दिनुभएको थियो ।
कार्यक्रममा भगवती कुँवर, चन्द्रकान्त शर्मा, सम्झना गायक, माया गायक, रेखा गायक र सरस्वती गायक लगायतले विश्व कम्यूनिष्ट आन्दोलनमा स्टालिनको योगदान, रुसमा समाजबादी ब्यबस्थाको विकास साथै नेपालको कम्युनिस्ट आन्दोलनको इतिहास र भूमिकाको बारे प्रस्ट्याउनु भएको थियो ।
कोट्याममा स्टालिनको दिवश
अन्तर्राष्ट्रिय ऐक्यबद्वताको लागि नेपालीहरुको मञ्चको आयोजनामा कोट्टयाममा स्टालिनको १४४औं जन्म दिवस भर्चुअल माध्यमबाट मनाइएको छ । कार्यक्रममा मूल प्रवाह अखिल भारत नेपाली एकता समाज केन्द्रीय समितिका कोषाध्यक्ष केबी थापाको विशेष आतित्थ्यता रहेको थियो ।
थापाले कार्यक्रमलाई सम्बोधन गर्दै स्टालिनको जीवनी बारे स्पष्ट पार्नुभएको थियो । त्यस क्रममा थापाले गरिखाने वर्गका कुरा गरेर मात्र क्रान्तिकारी बन्न सकिँदैन भन्दै क्रान्तिकारी बन्नको लागि जस्तोसुकै परिस्थितिमा पनि निडर भएर परिस्थितिको सामना गर्न सक्नु पर्दछ भन्नुभयो । श्रमजीवि वर्गका लागि फुटेर हैन जुटेर सामना गर्न उहाँले आग्रह गर्नुभयो ।
बालिका देवी शर्माको सञ्चालन र नगर अध्यक्ष धर्मराज शर्माको अध्यक्षताबाट अगाडि बढेको कार्यक्रममा मूल प्रवाह अखिल भारत नेपाली एकता समाज केन्द्रीय सदस्य मदन शर्मा, चोबनाथ शर्मा, परिषद सदस्य चन्द्रकान्त शर्मा, दक्षिण भारत क्षेत्रीय समितिका भद्र बहादु थापा, रिखेन्द्र बिसी, महिला विभाग सचिव विष्णु शर्मा, तिरुवनन्तपुरम नगर समितिका अध्यक्ष चिरञ्जीवी शर्मा, कोचिन नगर अध्यक्ष जुगराज राहु मगर र चेन्नई पूर्व नगर समितिका उपाध्यक्ष ओमकान्त शर्माको अतित्थ्यता रहेको थियो।
नगर समितिका टिकाराम सुवेदीले स्वागत मन्तब्य दिनुभएको कार्यक्रममा कोचिनबाट जनक बिसी, बाबुराम केसी, कोट्टयामबाट मनोज जिसी, खिरमाया थापाले कार्यक्रम सफलताको शुभकामना दिनुभएको थियो । कार्यक्रमलाई दिल बहादुर रानाले बधाई तथा धन्यबाद लिनुभएको थियो ।
