बाग्लुङ । बाग्लुङ २ (ख)प्रदेशसभाका तत्कालिन सांसद स्वर्गीय टेकबहादुर घर्तीकी आमा हिराकुमारी घर्ती भोट माग्दै गाउँघर डुलिरहनु भएको छ । आमा हिराकुमारी घर्तीसँगै टेकबहादुरकी श्रीमती सुनमाया पनि भोट माग्न ब्यस्त हुनुहुन्छ ।
चुनाव प्रचारकै क्रममा सोमबार ढोरपाटन नगरपालिकाका विभिन्न वडामा आमा हिराकुमारी उम्मेद्वार खिमविक्रमसँगै हिँड्नुभयो । छोरा टेकबहादुरले छोडेको अधुरो सपना खिमविक्रमले पुरा गर्ने विश्वासका साथ ७६ वर्षको उमेरमा पनि गाउँघर डुलिरहेको हिराकुमारीले बताउनुभएको छ ।
यस्तै, सोमबारै बोबाङको सेराबाङमा सम्पन्न चुनावी सभामा बोल्दै श्रीमती सुनमाया घर्तीले टेकबहादुरका सपना पुरा गर्न ऊहासँगै हिँडेका र एऊटै थालमा खाएका खिमविक्रम शाहीलाई जिताउन आग्रह गर्नुभयो ।
कार्यक्रमका प्रमुख अतिथि नेपाल कम्युनिष्ट पार्टी (नेकपा)स्थायी समिति सदस्य एवम् प्रतिनिधिसभा सदस्य देवेन्द्र पौडेलले यो क्षेत्र टेक ब घर्तीले पहिले नै जितिसकेको भन्दै राष्ट्रिय जनमोर्चा र बाम गठबन्धन बाहेक अरु कसैले ऊहाँको रगतमाथि भोट माग्ने अधिकार नभएको बताऊनु भयो ।
कार्यक्रममा साझा वाम उमेदवार खिमविक्रम शाहीले निसी भुजी र तमानमा भएका हरेक समस्याको कार्यकरण सबन्ध खोजी गर्दै त्यसको निराकरण को निम्ति आफू हरपल लागिरहने प्रतिबद्धता व्यक्त गर्नु भयो ।
कार्यक्रममा बोल्दै ढोरपाटन नगरपालिकाका मेयर देव कुमार नेपालीले वाम गठबन्धनसँग केन्द्र प्रदेश र स्थानीय सरकार रहेको भन्दै विकास निर्माणलाई थप गति दिन वाम गठबन्धनकै जित अपरिहार्य रहेको बताउनुभयो ।
कार्यक्रममा नेकपा नेता शेरमान घर्ती, नेकपा प्रदेश सचिव गोबिन्द नेपाली, प्रदेश मामिला समिती सभापति कृष्ण थापा, नेकपा जिल्ला अध्यक्ष इन्द्रलाल सापकोटा, स्थानीय प्रतिनिधि भद्रमणी सुनार , वडा नं ८ का अध्यक्ष नन्दे सुनार, नेकपाका जिल्ला सदस्य विर ब बि क लगायतले मन्तव्य राख्नुभएको थियो ।
संयुक्त बाम गठबन्धनको जनभेटघाट तथा घरदैलो अभियान निसीखोला तमानखोला र ढोरपाटन नगरपालिका बिभिन्न ठाउँहरुमा लगातार रुपमा अगाडि बढेको छ । सोमबार ढोरपाटन नगरपालिका वडा नं ७,८ र ९ को संयुक्त चुनावी कार्यक्रम सेराबाङमा सम्पन्न भएको हो ।
यो पनि पढ्नुहोस्ः टेक बहादुरकी आमा भन्नुहुन्छः छोराको सपना खिमविक्रमले पुरा गरुन्
