बागलुङ । राष्ट्रिय जनमोर्चाले जिल्ला व्यपिरुपमा सञ्चालन गरेको संगठनात्मक अभियान अन्तरगत बुधबार जैमिनी नगरपालिका –१० राङ्खानीमा वडा प्रशिक्षण भेला सम्पन्न भएको छ ।
भेलामा राष्ट्रिय जनमोर्चाका केन्द्रीय सदस्य तथा बागलुङ जिल्ला समन्वय समितिका प्रमुख राजेन्द्र ढुङगानाले प्रशिक्षण दिनुभएको थियो । त्यस क्रममा ढुङगानाले एमाले लगायतका ठुला राजनैतिक पार्टीले जनता माथि पटक–पटक धोका र विश्वासघात गरेका आरोप लगाउनु भयो ।
उहाँले राजमोले उनीहरुका गलत नीति तथा क्रियाकलाप प्रति थप सजक हुँदै जनतालाई सचेत र संगठित पार्न संगठनात्मक अभियान लिएर जनताको घर घरमा जान कार्यकर्तालाई आग्रह गर्नु भयो। नेता ढुङगानाले नेकपा फुटेर देशमा अराजकता बढेकोले अहिलेसम्मका आन्दोलनका उपलब्धि गुम्नेमा चिन्ता व्यक्त गर्नु भयो।
कार्यक्रममा अखिल नेपाल जनजाती सम्मेलनका केन्द्रीय सल्लाहकार नर बहादुर पुनले प्रशिक्षण मन्तव्य राख्नु भएको थियो । कार्यक्रममा राजमोका केन्द्रीय सदस्य दिलबहादुर दर्जी,जिल्ला सदस्य तथा जैमिनी नगर अध्यक्ष दिलबहादुर श्रीस, अखिल नेपाल युवक संघ गण्डकी प्रदेश सचिव सञ्जाल शर्मा, अखिल नेपाल जनजाती सम्मेलन जिल्ला अध्यक्ष लालबहादुर पुन, अखिल नेपाल युवक संघका जिल्ला सदस्य श्रीप्रसाद थापा, युवक संघका जैमिनी नगर अध्यक्ष यम पुन, राजमो जैमिनी नगर कोषाध्यक्ष शान्तकला शर्मा लगाएको आतिथ्यता रहेको थियो।
जैमिनी –१० का राजमो अध्यक्ष टिकाराम आचार्य अध्यक्षतामा सुरु भएको कार्यक्रमको स्वागत जैमिनी नगरपालिका – १० का अध्यक्ष नर बहादुर पुनले स्वागत गरेको कार्यक्रमको सञ्चालन दान बहादुरथापाले गर्नु भएको थियो ।
यसै गरि बागलुङ नगरपालिका– १० भकुण्डे र – १२ को काउलेमा जनभेटघाट तथा प्रशिक्षण सम्पन्न भएको छ । कार्यक्रममा राजमोका राष्ट्रिय परिषद् सदस्य तथा अखिल नेपाल युवक संघका पूर्व अध्यक्ष तिलक थापा, राजमो बागलुङका सचिव भिमलाल पोखरेल र अखिल नेपाल ट्रेड युनियन महासंघ अन्टुकका केन्द्रीय सदस्य बिष्णु अधिकारी रहनु भएको थियो ।
