टेकराज भुसाल, तिलोत्तमा ।
तिलोत्तमा नगर स्तरीय तेस्रो राष्ट्रपति रनिङ सिल्ड प्रतियोगिता सुरु भएको छ । मंगलवार तिलोत्तमा नगरपालिकाका नगरप्रमुख वासुदेव घिमिरेले प्रतियोगिताको उद्घाटन गर्दै तिलोत्तमा नगरपालिकालाई सवै खाले खेलकुदको हवका रुपमा विकास गर्नु पर्नेमा जोड दिनुभयो ।

कार्यक्रममा नगरपालिका वडा नम्वर ४ का वडा अध्यक्ष दिवाकर ढकाल, प्याब्सन केन्द्रीय प्राज्ञिक सल्लाहकार कृष्ण खनाल लगायतले खेलकुद जीवन पद्धतिको महत्पूर्ण अंश भएको बताउनु भयो ।

प्रतियोगितामा तिलोत्तमा नगर भित्रका सामुदायिक र संस्थागत गरी ३४ विद्यालय सहभागी छन् । खेल जनज्योति क्लवको खेल मैदान डिङगरनगरमा सुरु भएको हो ।

तीन दिनसम्म सञ्चालन हुने खेलको पहिलो दिन मंगलवार एथ्लेटिक्स अन्तरगतका विभिन्न इभेन्टहरु र भलिवलतर्फ ७ वटा सेटहरु सम्पन्न भएका छन् ।

सर्टपुट छात्रतर्फ शान्ति नमूना मावि प्रथम, सेन्जोसेफ मावि दोस्रो र पशुपति मावि तेस्रो भएका छन् भने छात्रा तर्फ शान्ति नमूना मावि प्रथम, टिकुलिगढ मावि दोस्रो र सिद्धार्थ इंगलिस बोडिङ स्कुल तेस्रो भएका छन् ।

८ सय मिटर दौडमा छात्र तर्फ सेन्जोसेफ मावि प्रथम, राममणि बहुमुखी क्याम्पस दोस्रो र जनज्योति मावि तेस्रो भएका छन् भने छात्रा तर्फ जनजागृति मावि प्रथम, कुवरवर्ति इंगलिस बोडिङ स्कुल द्धितीय, पशुपति मावि तृतीय भएका छन् ।

लङ्जम्प छात्र तर्फ शान्ति नमूना मावि प्रथम, सिद्धार्थ स्कुल दोस्रो र टिकुलिगढ मावि तेस्रो भएका छन भने छात्रा तर्फ भूल्के मावि प्रथम, पशुपति मावि दोस्रो र कुवरवर्ति इ.वो. स्कुल तेस्रो भएका छन् ।

१ सय मिटर दौड अन्तरगत छात्र तर्फ जनज्योति मावि प्रथम, पशुपति मावि दोस्रो र कुवरवर्ति इं बो. स्कुल तेस्रो भए भने छात्रा तर्फ कुवरवर्ति इं बो. स्कुल प्रथम, शान्ति नमूना मावि दोस्रो र भूल्के मावि तेस्रो भएका छन् ।

४ सय मिटर दौडमा छात्र तर्फ लर्डवुद्ध ज्ञानज्योति मावि प्रथम, राममणि बहुमुखी क्याम्पस दोस्रो र जनज्योति मावि तेस्रो भएका छन् भने छात्रा तर्फ कुवरवर्ति इं बो। स्कुल प्रथम, पामीर एकेडमी दोस्रो र पशुपति मावि तेस्रो भएका छन् ।

पहिलो दिनको खेलमा ७ वटा सेटमा भलिवल खेलाईएको छ । छात्रा तर्फ भएको भलिवल प्रतियोगितामा होराइजन जिविएस र सेन्जोसेफ माविबीच भएको खेलमा सोझो सेटमा सेनजोसेफ विजयी भएको छ । त्यस्तै जनज्योति मावि र जनहित माविबीच भएको खेलमा जनज्योतिले सोझो सेटमा जनहितलाई पराजित गरेको छ । नमूना मावि र ड्रन चिल्डे«न मावि विच भएको खेलमा नमुना विजयी भयो भने पर्ल एकेडमी र जनज्योति माविबीच भएको खेलमा जनज्योति विजयी भयो । दुवै सोझो सेटमा विजयी भएका हुन् । त्यस्तै सेमरा बजार मावि र शान्ति नमूना माविकाबीच भएको खेलमा शान्ति विजयी भएको छ । जनता मावि र पश्चिम पहुनीका विच भएको खेलमा दुई सेटमा जनताले जित निकालेको छ । त्यस्तै ग्रीमाण सरस्वति मावि र राममणि बहुमुखी बीच भएको खेलमा राममणि विजयी भएको छ ।

तिलोत्तमा नगरपालिका नगर खेलकुद विकास समितिको आयोजनामा सुरु खेलमा बुधवार दोस्रो चरणका खेलहरु सुरु हुनेछन् । खेल बिचबिचमा विभिन्न विद्यालयहरुले सांस्कृतिक कार्यक्रमहरु समेत प्रस्तुत गरेका थिए । खेल अवधिमा सर्वेत्कृष्ट खेल प्रर्दशन गर्ने खेलाडीहरु जिल्लाका लागि छनोट हुने छन् । खेल संचालनका लागि झण्डै ११ लाख खर्चको अनुमान गरिएको छ ।

नगर खेलकुद विकास समितिका अध्यक्ष राजेन्द्र गुरुङको अध्यक्षता, समिति सदस्य मित्रलाल न्यौपानेको स्वागत, समिति सदस्य दिपक खनालको सञ्चालनमा कार्यक्रमको उद्घाटन भएको थियो ।