बाग्लुङ । संयुक्त बाम गठबन्धनको चुनावी प्रचार प्रसार जनभेटघाट तथा घरदैलो अभियान निसीखोला, तमानखोला र ढोरपाटन नगरपालिका बिभिन्न ठाउँहरुमा लगातार रुपमा अगाडि बढेको छ। अभियानकै क्रममा बिहीबार तमानखोला गाऊँपालिका वडा नं ५ खुंखानीमा चुनावी सभा सम्पन्न भएको छ । कार्यक्रममा बोल्दै क्षेत्र नं २(ख) प्रदेशसभाका उममेद्वार खिमविक्रम शाहीले खुंखानीको जनताको पीडा आफूले बुझेको उल्लेख गर्दै यसको निराकरण गर्न आफू हरपल प्रतिबद्ध रहने बताऊनु भयो ।
कार्यक्रममा प्रमुख अतिथिको रुपमा बोल्दै नेपाल कम्युनिष्ट पार्टी (नेकपा)केन्द्रीय सदस्य एवम् गण्डकी प्रदेश सह इन्चार्ज, गण्डकी प्रदेशसभा सदस्य योसोदा सुबेदी गुरुङले प्रतिक्रियाबादी शक्तिहरूले प्रतिगमन पुनः आगमन गराउनको लागी ‘फुटाऊ र हत्याउ’ को निती लिएको कारण बाम गठबन्धनको जित अपरिहार्य रहेको बताउनु भयो ।
कार्यक्रममा बोल्दै राष्ट्रिय जनमोर्चाका केन्द्रीय सदस्य एवम् गण्डकी प्रदेश सभाका सदस्य पियारी थापाले दलित जनजाति र महिला अधिकारसँगै पिछडिएको समुदायको सबाल ऊठाऊन खिमविक्रम शाहीलाई बिजय बनाऊन अनुरोध गर्नुभयो ।
कार्यक्रममा बोल्दै(नेकपा) प्रदेश सचिब गोबिन्द नेपाली ले राष्ट्रियताको रक्षासँगै अधिनायकबादको समुल रुपमा अन्त्य गर्दै गाऊँदेखी केन्द्रसम्म वास्तविक प्रजातन्त्रको महसुश गर्न बाम गठबन्धनलाई बिजय गराउन आग्रह गर्नुभयो । कार्यक्रममा नेकपाका नेता हिरा बहादुर के सी, प्रदेश सभाका सदस्य चन्द्र बहादुर बुढा, नेकपाका जिल्ला सदस्य सेरमान घर्ती मगर, देब बहादुर पुन, प्रतिमान श्रिपाली लगायतका नेताहरुले मन्तव्य व्यक्त गर्नुभएको थियो ।
कार्यक्रममा राष्ट्रिय जनमोर्चा बागलुङका जिल्ला सचिव भिमलाल पोखरेल, अखिल नेपाल युवक संघका केन्द्रीय कोषाध्यक्ष भिमसेन वन, अखिल (छैठौं) बागलुङका अध्यक्ष इन्द्रमणी पाण्डे, नेकपा तमानखोला गाऊँपालिका अध्यक्ष नरेन्द्र छन्त्याल, सचिव लिल बहादुर पुन, अन प्रशाद बि क, रमेश बिक्रम शाही, राम प्रसाद चालिसे लगायतका नेता तथा कार्यकर्ताहरुको सहभागिता रहेको थियो ।
कार्यक्रम निर्वाचन परिचालन समिति का संयोजक नर बहादुर श्रीपालीको अध्यक्षता, पविराज बिकको स्वागत र बिर बहादुर गोतामेको सञ्चालनकम सम्पन्न भएको थियो ।
