शंकर प्रसाद पोख्रेल
गुल्मी । भारतीय जाली नक्सा खारेजीको माग गर्दै गुल्मीको तम्घासमा विरोध प्रदर्शन भएको छ । बिहीबार राष्ट्रिय जनमोर्चा गुल्मीले आयोजना गरेको विरोध प्रदर्शन बजार परिक्रमा गरी जिल्ला प्रसासन कार्यलय अगाडि कोणसभामा परिणत भएका थियो । विरोधसभालाई सम्बोधन गर्दै अखिल नेपाल किसान महासंघका अध्यक्ष भैरवराज रेग्मीले भारतीय साम्राज्यवादको विरुद्वमा एक जुट हुने समय आएको बताउनुभयो । उहाँले जुन पाल्पामा राष्ट्रिय जनमोर्चाले आयोजना गरेको कार्यक्रममा प्रहरीले गरेको हस्तक्षेपको पनि भ्रत्सना गर्नु भयो ।
कार्यक्रममा अखिल नेपाल महिला संघकी केन्द्रीय उपाध्यक्ष सकुन्तला राना लगायतका केन्द्रीय सदस्य तारा क्षेत्री वक्ताहरुले सम्बोधन गर्नुभएको थियो । राष्ट्रिय जनमोर्चाका जिल्ला सचिव छविलाल सर्तुङ्गीको सञ्चालबाट अघि बढेको सभाको अध्यक्षता राजमो जिल्ला अध्यक्ष जीवन राना तथा जिल्ला सदस्य कमल अर्याल स्वागत मन्तब्य गर्नुभएको थियो । विरोध सभामा बिच–बिचमा रक्तिम साँस्कृति अभियानका कलाकारहरुले जनवादी गित तथा नृत्य प्रस्तुत गरेका थिए ।
जुलुश राष्ट्रिय जनमोर्चाको जिल्ला कार्यालय क्याम्पस रोडबाट सुरु भई भिम चोक, मिलनचोक पुतली बजार हुँदै जिल्ला प्रसासन कार्यलय अगाडि सभामा परिणत भएको थियो । विरोध प्रदर्शनका क्रममा ‘कालापानी लिपुलेक र लिम्पीयाधुरा हाम्रो हो, भारतीय साम्राज्यवादी सेना फिर्ता गर, भारतीय जाली नक्सा खारेज गर, लगायत चर्का नारा लगाइएको थियो ।
