विवश छन्त्याल, सोरबाङ (बागलुङ) ।
बागलुङ जिल्लाको ढोरपाटन नगरपालिका वडा नं ४ सोरबाङमा नवप्रगतिशील युवा क्लवद्वारा आयोजित तिहार मेला सम्पन्न भएको छ । कार्यक्रमको उद्घाटन अखिल नेपाल युवक संघ वडा समितिका अध्यक्ष तुलेन्द्र छन्त्यालले गर्नुभएको थियो ।

सो क्रममा उहाँले खेलकुद क्षेत्रको विकासमा क्लवले राम्रो काम गरेकोमा धन्यवाद ज्ञापन गर्नु भएको थियो । उहाँले छाडा र विकृत तवरले अगाडि बढेको युवा पुस्ता सही राजनितिक लाईनका साथ अगाडि बढ्नको लागि मौलिक खेलकुदको विकास अपरिहार्य भएको बताउनु भयो । सो अवसरमा राम बहादुर अगेर्जा विवश छन्त्यालको पनि उपस्थित रहेको थियो ।

१४ टिमको सहभागिता रहेको खुल्ला पुरुष भलिबल प्रतियोगितामा प्रथम स्थान दिवाईदिसी पुर्कोट र द्वितीय स्थान चिनीखेत लुकुरवनले हासिल गरेको छ । घैँटोफोर प्रतियोगितामा उमेश बुढाथोकी विजेता बन्नु भएको छ । उक्त कार्यक्रममा भलिवल प्रथम पुरस्कारको सौजन्य आयरल्याण्ड नेपाली एकता समाजका संयोजक अमरसिंह छन्त्यालले गर्नु भएको थियो । द्वितीय पुरस्कारको सौजन्य होम हर्मेलले गर्नु भएको थियो ।

१ थान जाली २ थान भलिवल सौजन्य हङकङ नेपाली एकता समाजका अध्यक्ष शक्तमान बुढाथोकी, कप सौजन्य सोरवाङ प्राविका अध्यक्ष धन बहादुर हर्मेलले गर्नु भएको थियो । पुरस्कार हस्तान्तरण राष्ट्रिय जनमोर्चाका नेता राम बहादुर अर्गेजाले गर्नु भएको थियो । कार्यक्रम क्लव अध्यक्ष होम हर्मेलको अध्यक्षता तथा जीवन बुढाथोकीको सञ्चालनमा सम्पन्न भएको थियो ।