काठमाडौं । अखिल नेपाल राष्ट्रिय स्वतन्त्र विद्यार्थी युनियन (छैठौं) ले देशभरका निजी शैक्षिक संस्था सरकारीकरण गर्न माग गरेको छ । अखिल (छैठौं) को हालै बुटवलमा सम्पन्न २२ औँ राष्ट्रिय सम्मेलनले निजी शैक्षिक संस्था सरकारीकरण गर्न माग गरेको हो ।
सम्मेलनका निर्णय जानकारी दिन अध्यक्ष देवेन्द्र कुँवरले प्रेसित गर्नुभएको विज्ञप्तिमा संविधानले ग्यारेन्टी गरे बमोजिम माध्यमिक तहसम्मको शिक्षा पूर्णरुपमा निशुल्क हुनुपर्ने माग गरिएको छ ।
यस्तै, कोरोना संक्रमण नियन्त्रणका नाममा भएका भएका सबै भ्रष्टाचार छानबिन गर्न र दोषीउपर कारबाही गर्न अखिल (छैठौं) ले माग गरेको छ भने जनतालाई निशुल्क स्वास्थ्य उपचारको व्यवस्था मिलाउन माग गरेको छ ।
अखिल (छैठौं) को राष्ट्रिय सम्मेलनबाट पारित प्रस्तावमा संघीयताको खारेजी गर्नुपर्ने, कालापानी लगायतका क्षेत्रबाट भारतीय सेना हटाउनुपर्ने, भारतीय साम्राज्यवादद्वारा अतिक्रमित भूमि फिर्ता गर्नुपर्ने, एमसीसीको खारेजी लगायतका माग गरिएको अध्यक्ष कुँवरले जानकारी दिनुभयो ।
यस्तै, अखिल (छैठौं) ले शैक्षिक निजीकरण, व्यापारीकरण तथा एमसीसीविरुद्ध आन्दोलनको घोषणा समेत गरेको छ ।
यस्तो छ, वक्तव्य
