काठमाडौँ । काठमाडौँ उपत्यकामा निषेधाज्ञा हटेको छ । २०७८ भदौ १६ गते बसेको उपत्यकाका तीन जिल्लाका प्रमुख जिल्ला अधिकारीको बैठकले निषेधाज्ञा अन्त्य गर्ने निर्णय गरेको हो ।

निषेधाज्ञा हटेसँगै अब उपत्यकामा विद्यालय खोल्न पाइने छ । जिल्ला कोभिड सङ्कट व्यवस्थापन समिति (डी.सी.सी.एम.सी.) को अनुमति लिएर विद्यालय सञ्चालन गर्न सकिने काठमाडौँका प्रमुख जिल्ला अधिकारी कालीप्रसाद पराजुलीले जानकारी दिनुभयो ।

भदौ १६ गते जिल्ला प्रशासन कार्यालय काठमाडौँले जारी गरेको आदेशमा स्वास्थ्य मापदण्डको पालना गर्न र भिडभाड नगर्न अनुरोध गरिएको छ ।

स्थानीय ढुवानीका लागि भने बिहान ९ बजेदेखि ११ बजे र दिउँसो ४ बजेदेखि ७ बजेसम्म सञ्चालन गर्न पाइने छैन ।

यस्तै, सार्वजनिक तथा निजी निर्माण कार्यका लागि बेलुकी ९ बजेदेखि बिहान ५ बजेसम्म सञ्चालन गर्न पाइने छ ।