वाशिङटन । अमेरिकी राष्ट्रपति डोनाल्ड ट्रम्पले भारतमा व्याप्त प्रदूषणलाई लिएर फेरि उनले त्यसतर्फ निशाना लगाएका छन् । एयर क्वालिटी इन्डेक्स खतरनाक स्तरमा पुगेको भारतमा चर्चा भइरहेको बेलामा राष्ट्रपति ट्रम्पले हिजो एक कार्यक्रममा बोल्दै भारतको गन्ध लसएञ्जेल्समा आइरहेको बताएका हुन् ।
इकोनोमिक क्लब अफ न्यूयोर्कको एक कार्यक्रमलाई सम्बोधन गर्दै उनले भने,‘‘भारत, चीन र रुसको गन्ध उडेर लस एञ्जेल्स सम्म आइरहेको छ । तपाईहरुलाई थाहा छ, यहाँ एउटा समश्या छ । तुलनात्मक रुपमा हाम्रो जमिन छोटो टुक्रा हो । यदि तपाईले चीन, रुस र भारत जस्ता देशसँग तुलना गर्नुभयो भने फोहर र धुवाँ रोक्न उनीहरुले केही गरिरहेका छैनन् । उनीहरु आफ्नो फोहर समुद्रमा हालिरहेका छन् र त्यो बग्दै लसएञ्जेल्स सम्म आइरहेको छ ।’’
ट्रम्पले पहिलापनि गएको जुन महिनामा भारत लगायतका देशलाई प्रदूषणलाई लिएर आरोप लगाएका थिए । अहिले नाम लिएका देशकै नाम लिएर उनीहरुले विश्व पर्यावरणको लागि भूमिका नखेलेको आरोप लगाएका थिए ।
(बीबीसी)
