खिमराज चालिसे, चंडिगढ ।
मूल प्रवाह अखिल भारत नेपाली एकता समाजले ट्युमर पीडित युवकलाई उपचारका लागि सहयोग गरेको छ। समाजको हिसार नगर समितिले अर्घाखाँचीका २२ वर्षीय टेकबहादुर रास्कोटीलाई सहयोग गरेको हो ।
अर्घाखाँचीको पाणिनी गाउँपालिका वाड– २ दमारका दुर्गाबहादुर रास्कोटीका छोरा टेकबहादुर मेरुदण्डमा ट्युमर भएर लामो समयदेखि उपचार गराइरहेका छन् । आर्थिक अवस्था कमजोर भएका रास्कोटी परिवारलाई उपचारका लागि सहयोग गरेको मूल प्रवाहले जनाएको छ ।
एकता समाजका केन्द्रीय सल्लाहकार तारा सोमारे र जनजाति विभागका नगर संयोजक केहरसिंह घर्तीमगरको विषेश सक्रियतामा स्थानीय सदस्यहरूबाट रकम संकलन गरी २४ हजार रुपैयाँ पीडितलाई हस्तान्तरण गरिएको छ ।
सो सहयोग रकम पाणिनी गाउँपालिका राजमो अध्यक्ष देविप्रसाद भुसाल, राजमो वडा अध्यक्ष मिजास सोमारे, सदस्य निमकुमारी घर्तीमगर लगायतले पीडित परिवारको घरमा पुगेर हस्तान्तरण गर्नु भएको तारा सोमारेले जानकारी दिनु भयो ।
