ईन्द्रमणी पाण्डे, बागलुङ ।
अखिल नेपाल शिक्षक संघ बागलुङ अन्तर्गत ढोरपाटन नगर समितिको भेला शनिबार सम्पन्न भएको छ । यही वैशाख १७ र १८ गते हुन गइरहेको जिल्ला अधिवेशनको पूर्वसन्ध्यामा नगर भेला आयोजना गरिएको हो ।
भेलाको उद्घाटन अखिल नेपाल शिक्षक संघ बागलुङका अध्यक्ष मित्रदत्त ढकालले ब्यानर पढेर गर्नु भएको थियो । सो अवशरमा बोल्दै अध्यक्ष ढकालले जतिसुकै राजनीतिक तथा सामाजिक परिवर्तन आएपनि शिक्षकहरुको अवस्थामा परिवर्तन नआएको बताउनुभयो । शिक्षकहरु आफ्नो हक हित र अधिकारको साथै शैक्षिक सुधारको आन्दोलनमा लाग्न आग्रह गर्नु भयो ।
कार्यक्रममा राष्ट्रिय जनमोर्चाका वैकल्पिक केन्द्रीय सदस्य गौरीश्वर पाण्डे, अखिल नेपाल शिक्षक संघ बागलुङका सचिव पुष्कर सापकोटा, राजमो ढोरपाटन नगर समितिका अध्यक्ष दिपक थापा लगायतले मन्तव्य व्यक्त गर्नु भएको थियो ।
अखिल नेपाल शिक्षक संघ ढोरपाटन नगर अध्यक्ष टीकाबहादुर पुनको अध्यक्षतामा सुरु भएको पहिलो चरणको कार्यक्रममा संघका बागलुङ जिल्ला उपाध्यक्ष दुर्गाबहादुर भण्डारी, जनजाति सम्मेलनका ओम बुढा लगायतको अतिथ्यता रहेको थियो भने धनबहादुर महतले स्वागत गर्नुभएको थियो । कार्यक्रमको सञ्चालन देवेन्द्र घर्तीले गर्नुभएको थियो ।
दोस्रो चरणको कार्यक्रम केशव सापकोटा, नन्दराम गौतम र खुमाकुमारी पाण्डेको अध्यक्षमण्डलबाट अगाडि बढेको थियो । कार्यक्रममा नगरस्तरीय शैक्षिक गतिविधी तथा संगठनको अवस्थाको वारेमा रिपोर्टिङ गरिएको थियो ।
भेलाले पदम छन्त्यालको अध्यक्षतामा १३ पूर्ण ६ सल्लाहकार गरि १९ सदस्यीय अखिल नेपाल शिक्षक संघ ढोरपाटन नगरपालिकाको समिति निर्वाचित गरेको छ । जसको अध्यक्ष, उपाध्यक्ष, सचिव, सहसचिव र कोषाध्यक्षमा क्रमशः सुनमाया घर्ती मगर, चकबहादुर अदै, जुनिला घर्ती र धनबहादुर महत रहनुभएको छ ।
सदस्यहरुमा बिनिता खरेल, बेगबहादुर छन्त्याल, सत्यजित चौधरी, तुलबहादुर कुमाई, देबेन्द्र घर्ती, खममाया अदै, खुमा कुमारी पाण्डे, प्रेमलाल अर्गेजा रहनु भएको छ । यस्तै, सल्लाहकारमा दुर्गा भण्डारी, टीकाबहादुर पुन, नन्दराम गौतम, दीपककुमार छन्त्याल, लोकेन्द्र सुनार र केसव सापकोटा रहनु भएको छ ।
नवनिर्वाचित समितिलाई गौरीश्वर पाण्डे, मित्रदत्त ढकाल, पुष्कर सापकोटा, रिमा कुमारी छन्त्याल, ओम वुढा लगायतले बधाई दिनुभएको थियो ।
शिक्षक संघ बागलुङको चौथो जिल्ला सम्मेलन ‘सम्पूर्ण शिक्षक कर्मचारी एक होऔं, शैक्षिक तदर्थवादको विरुद्ध संघर्ष गरौं, शैक्षिक गुणस्तर तथा पेसागत अधिकारको लागि संघर्ष गरौं’ भन्ने मूल नाराको साथ यही वैशाख १७ र १८ गते बुर्तिबाङ बजारमा हुँदै छ । यसको तयारी स्वरुप जिल्लाको विभिन्न पालिकाहरुमा शिक्षकहरु बिच भेटघाट, अन्तरक्रिया तथा सङ्गठन निर्माण कार्य तिब्र रुपमा चलेको शिक्षक संघ बागलुङले जनाएको छ ।
