वापी पूर्व । मूल प्रवाह अखिल भारत नेपाली एकता समाज पश्चिम भारत क्षेत्रीय समिति अन्तर्गत वापी पूर्व नगर समितिले होलीको अवसरमा फुटबल प्रतियोगिता सम्पन्न गरेको छ ।
नगर सचिव गनबहादुर रानाको सञ्चालन तथा नगर अध्यक्ष भुवनसिंह धामीको अध्यक्षतामा कार्यक्रम सम्पन्न भएको हो ।
कार्यक्रमको प्रमुख अतिथी केन्द्रीय सदस्य गोबिन्दबहादुर थापा, अतिथिमा पश्चिम भारत क्षेत्रीय अध्यक्ष बेदबहादुर कार्की, केन्द्रीय सल्लाकार सदस्य पश्चिम क्षेत्रीय महिला विभाग अध्यक्ष रमाकला काउछा, केन्द्रीय सल्लाकार सदस्य श्रीधर शर्मा, क्षेत्रीय उपाध्यक्ष कृष्ण कुँवर, सुरत नगर अध्यक्ष पुर्ण विक, वापी पश्चिम नगर अध्यक्ष निखिल रावत, क्षेत्रीय सदस्य शोभा धामी पश्चिम भारत साँस्कृतिक बिभाग संयोजक हरिसिंह काउँछा, प्रविण सिंह काउँछा, टंक दाहाल, बिष्णु माया शर्मा, बिना काउछा लगायतको आतित्थ्यता रहेको थियो । उपस्थित सम्पुर्णलाई नगर सदस्य चेतनाथ ढकालले स्वागत गर्नुभएको थियो ।
खेलमा ९ टिमको सहभागी रहनुभएको थियो । वापी थडपेसबाट विशाल थापा, क्याप्टेन भएको टिम विजयी भएको थियो । जसलाई प्रमुख अतिथी गोबिन्द बहादुर थापाले टफि प्रदान गर्नुभएको थियो भने प्रमाणपत्र र मेडल अध्यक्ष भुवन सिंह धामीले हस्तान्तरण गर्नुभएको थियो ।
वापी चनोदबाट यान खत्री क्याप्टेन रहेको टिम उपविजेता भएको थियो । जसलाई केन्द्रीय सल्लाकार सदस्य श्रीधर शर्माले ट्रफि र केन्द्रीय सल्लाहकार रमकला काउछा, नगर सचिव गनबहादुर राना लगायतले प्रमाणपत्र तथा मेडलले पुरुस्कृत गर्नु भएको थियो ।
