खिमराज चालिसे, चंडिगढ ।
मूल प्रवाह अखिल भारत नेपाली समाज हिसार नगर समितिले छुट्टाछुट्टै दुर्घटनामा घाइते भएका दुई जना नेपालीलाई उपचारका लागि सहयोग गरेको छ ।

भारतको हिसारमा वेटर पार्टीमा कार्यरत पाल्पा जिल्लाको भलाङग पोखराथोकका जित बहादुर वाका र कपिलवस्तु जिल्लाको वाणगंगा नगरपालिका घेरवा भर्तपुरका दीपक पाण्डेलाई मूल प्रवाहले सहयोग गरेको हो ।

पाल्पाका वाकाको १७ फरवरीको कार्यस्थलदेखि घर फर्कने क्रममा साइकिल दुर्घटना भएको थियो । उहाँको चावला अस्पतालमा चेकअप गर्दा खुट्टा भाचिएको रिपोर्ट आएको थियो ।

आर्थिक स्थिति विपन्न भएकोले उहाँलाई क्षेत्रीय सदस्य आत्मराम न्यौपाने, नगर कोषाध्यक्ष हुमाकान्त अधिकारी, इन्ड्रष्ट्रीयल एरियाका अध्यक्ष लालबहादुर चुदाली, सदस्य दान बहादुर दर्लामी लगाएतले भेटगरि ५००० भारु अर्थात ८००० नेरु नगद नगर समितीको तर्फबाट सहयोग गर्नु भएको छ ।

यसैगरि न्यु माडल टाउन हिसारमा कार्यरत कपिलवस्तुका दीपक पाण्डे ६ महिना पहिला दुर्घटनामा पर्नु भएको । उहाँ डाक्टरको सल्लाह अनुसार वेडरेस्टमा रहनुभएको छ । आर्थिक अवस्था कमजोर रहेको पाण्डेलाई नगर समिती हिसारले नगद रु ५००० भारु (रु ८०००) सहयोग गरिएको मूल प्रवाह नगर सचिव तारा सोमारेले जानकारी दिनुभयो ।