धनगढी । राष्ट्रिय जनमोर्चा कैलालीले धनगढीको पिपलचौतारामा विरोधसभा सम्पन्न गरेको छ ।
प्रतिनिधि सभा विघटनको विरुद्धमा राष्ट्रिय जनमोर्चाका केन्द्रीय सदस्य तथा सुदूर पश्चिम इन्चार्ज मनोज भट्टको प्रमुख आतिथ्यतामा मङ्गलबार सो कार्यक्रम सम्पन्न भएको हो ।
सो अवसरमा सम्बोधन गर्दै राजमो नेता भट्टले प्रतिनिधि सभा विघटनलाई तत्कालै सच्याउँदै त्यसको पुनःस्थापना गर्नुपर्ने आवश्यकतामा जोड दिनुभयो । जनताको आन्दोलनले नै प्रतिनिधि सभा पुनःस्थापनाको पक्षमा बल पुग्ने बताउँदै उहाँले आम जनतालाई आन्दोलनमा उत्रन आग्रह गर्नुभएको थियो ।
कार्यक्रममा राजमोका केन्द्रीय सदस्य नन्दराज भट्ट, राजमो परिषद् सदस्य खडक राना, नेकपा (मसाल) कैलालीका प्रवक्ता मिलन शाही, राजमो कैलालीका जिल्ला सचिव जगत् जोशी, अखिल नेपाल युवक सङ्घका केन्द्रीय सचिव प्रसान्त थापा र मूल प्रवाह अखिलल भारत नेपाली एकता समाजका नेता हिरासिंह चन्दले पनि सम्बोधन गर्नुभएको थियो ।
अखिल (छैठौं) का रा ष्ट्रिय पार्षद टङ्क अवस्थीले स्वागत मन्तव्य राख्नुभएको उक्त कार्यक्रमको अध्यक्षता राजमो धनगढी उपमहानगरपालिका समितिका सचिव टीका नेपाली तथा सञ्चालन राजमो नगर अध्यक्ष डबल बोगटीले गर्नुभएको थियो ।
