शंकरप्रसाद पोख्रेल, गुल्मी ।
अखिल (छैठौं) प्यूठानको आयोजनामा प्यूठानको विजुवार, मच्छी र भिङ्ग्रीमा मशाल जुलुस प्रदर्शन गरिएको छ ।
संविधानमा नभएको धारा प्रयोग गरेर केपी ओली नेतृत्वको सरकारले गरेको असंवैधानिक, अलोकतान्त्रिक, स्वेच्छाचारी एवं सर्वसत्तावादी संसद विघटनको कदम विरुद्ध संघर्षरत (छैठौं) ले केन्द्रीय समितिको निर्णय अनुसार विरोध र्याली तथा मशाल जुलुस कार्यक्रम आयोजना गरेको हो ।
बाग्दुला र बिजुवारबाट निस्किएको मशाल जुलुस मित्रमणी चोकमा पुगेर कोणसभामा परिणत भएको थियो । कोणसभालाई अखिल (छैठौं) का केन्द्रीय सदस्य एवम् जिल्ला अध्यक्ष चोपलाल विक र राष्ट्रिय जनमोर्चाका जिल्ला सदस्य तथा प्यूठान नगरपालिकाका अध्यक्ष धुर्व थापाले सम्बोधन गर्नुभएको थियो । संचालन अखिल (छैठौं) का वैकल्पिक केन्द्रीय सदस्य सरोज न्यौपानेले गर्नुभएको थियो ।
जुलुसमाथि प्रहरीले हस्तक्षेप गर्दा संगठनका जिल्ला अध्यक्ष चोपलाल विक सामान्य घाइते हुनुभएको छ ।
त्यसैगरी अखिल (छैठौं)को आयोजनामा झिम्रुक गाउँपालिकाको मच्छी र स्वर्गद्वारी नगरपालिकाको भिङ्ग्री बजारमा पनि ओली नेतृत्वको सरकारले गरेको असंवैधानिक प्रतिनिधिसभा विघटनको विरुद्ध र्याली तथा मशाल जुलुस सम्पन्न भएको छ ।
