दिनेश रैदास, दाङ ।
लमही नगरपालिका वडा नं ९ रिहार धार्मिक क्षेत्रमा वर्षेनी लाग्ने माघि मेला यस वर्ष विश्वव्यापी महामारीको रुपमा फैलिएको कोरोना भाइरस (कोभिड–१९ ) को कारण जिल्ला प्रशासन कार्यालय दाङले दाङका कुनैपनि मठमन्दिर, धार्मिक स्थलमा मेला सञ्चालनको लागि रोक लगाएको छ।

कोरोना भाइरस नियन्त्रणमा नआएको र मेला महोत्सवमा भिडभाड हुने कम गर्न र कोरोना भाइरस लाई मध्यनजर गरी दाङका मठमन्दिर र धार्मिक स्थल तथा सार्वजनिक स्थानमा यस वर्ष बाध्यताले मेला सञ्चालनमा रोक लगाएको हो। जिल्ला प्रशासन कार्यालय दाङका प्रमुख जिल्ला अधिकारी जयनारायण आचार्यले जानकारी दिनुभयो।

कोरोनाको जोखिमलाई मध्यनजर गर्दै वर्षौं देखि माघेसंक्रान्तिको समयमा लाग्ने मेला यस वर्ष पहिलो पटक मेला सञ्चलनमा रोक लगाएको छ। प्रत्येक वर्ष भिडभाड चहलपहल रहने अहिले सुनसान बनेको छ । मेलामा आएका व्यापारी अन्योलमा परेका छन्।