नवराज पौडेल, कपिलवस्तु ।
कपिलवस्तुको शिवराज नगरपालिका–३ मदवामा एक किशोरीको शव फेला परेको छ । मदवा निवासी मन बहादुर रोकाकी १६ वर्षीया छोरी दिपा रोकाको गाउँ नजिकै रहेको जवाई खोलामा मृत अवस्थामा शव फेला परेको वडा प्रहरी कार्यालय चन्द्रौटाले जनाएको छ ।
यही पुस ११ गते शनिबार साँझ ५ वजे नल्कामा पानि लिन गएकी छोरी बेपत्तम भएकी बुवा मनबहादुर रोकाले बताउनु भयो । शनिबार बेपत्ता भएको भएपनि परिवारले आज मात्र प्रहरीलाई खबर गरेको बताइएको छ ।
दिउँसो १२ बजे स्थानीयले खोला नजिकै घाँस काट्न जाँदा शव देखेपछी प्रहरीलाई खबर गरेका थिए । किशोरीको रहस्यमय निधनले गाउँमा त्रास निम्त्याएको छ ।
किशोरीको हत्या वा आत्महत्या भन्ने बारे खुल्न नसकेकोले शव पोष्टमार्टमका लागि बुटवल प्रादेशिक अस्पतालमा पठाइको र घटनाको विषयमा थप अनुसन्धान भइरहेको वडा प्रहरी कार्यालय चन्द्रौटाका प्रहरी निरिक्षक दिपेश खरेलले बताउनु भयो ।
