खिमराज चालिसे/चण्डीगढ ।

अस्ति बिहान नेपाल–भारत पश्चिमी सीमाक्षेत्रको पलियावाट हिडेको एनके ट्राभल्सको केए १९ डी ५२८६ नम्बरको यात्रुवाहक बस आज बिहान नागपुर आइपुग्दा दुर्घटनाग्रस्त भएको छ । तर सबै यात्रुहरू सुरक्षित रहेका छन् ।

दुर्घटनास्थल नागपुरबाट बसमा यात्रा गरिरहनुभएका यात्रु खड्कबहादुर खातीले दिएको जानकारीअनुसार बसका सबै यात्रुहरू सुरक्षित रहेका छन् । उनका अनुसार केही यात्रुलाई मात्र सामान्य चोट लागेको छ । प्राथमिक उपचारपछि सबै यात्रुहरू बैंगलोरसम्म जानका लागि अर्को बसको प्रतिक्षामा रहेका छन् ।

नागपुरको पेन्ड्रीस्थित भिरालोमा बसको सन्तुलन बिग्रिएपछि करिब ८–१० मिटर तल खसेको यात्रु खडकबहादुरले जानकारी दिएका छन् ।
बसमा ६० जनाभन्दा बढी यात्रुहरू चढेको बताइएको छ ।