खिमराज चालिसे,चंडिगढ ।
‘जबजब देशमा निरंकुशता, प्रतिगमन, तथा राष्ट्रियता जनतन्त्र र जनजीवीकाको सवालमा विभिन्न प्रकारका संकटहरु आए तबतब भारतस्थित नेपालीहरुको अभिभावक संगठन मूलप्रवाह अखिल भारत नेपाली एकता समाजले प्रत्यक्ष तथा अप्रत्यक्ष रुपमा नेपाली जनताको आन्दोलनलाई सहयोग गरिरहेको छ ।
१२ मइ १९८६ देखि अहिलेसम्म कैयन आन्दोलनहरुले त्यो कुरा प्रमाणित गरिरहेको छ’ उक्त कुरा मूलप्रवाह सुदूरपश्चीमोत्तर क्षेत्रीय समिती द्धारा सञ्चालित रोपड नगरसमितीको आयोजनामा सम्पन्न ‘गणतन्त्र, राष्ट्रियता र धर्म निरपेक्षताको रक्षा गरौ,संघीयता र भष्टाचारको विरुद्ध संघर्ष गरौ’ भन्ने मुल नारा सहित देशव्यापी रुपमा राजमोले सञ्चालन गरेको आन्दोलनमा ऐक्यवद्धता कार्यक्रममा प्रमुख अतिथिको आसनबाट मूलप्रवाहका केन्द्रीय उपाध्यक्ष कपिल खनालले बताउनु भएको हो ।
ओली सरकारको अप्रजातान्त्रिक र असम्वैधानिक कदमको जोडदार विरोध गर्दै गणतंत्र राष्ट्रियता, धर्म निरपेक्षता र संघीयता लगाएतका समसामयिक विषयहरुमा बोल्दै आफु हरु देश बचाउने आन्दोलनमा जती बेला पनि स्वदेश फर्केर जानसक्ने चेतावनी दिनु भयो ।
मुलप्रवाह केन्द्रीय सदस्य एंव क्षेत्रीय अध्यक्ष प्रेम सापकोटा, क्षेत्रीय जनजाति विभागका बील बहादुर गुरुङ, मूलप्रवाह क्षेत्रीय सदस्य शिवलाल लामीछाने, महिला क्षेत्रिय विभागकी खगी थापा, राजमो नवलपु की सोभा सापकोटा, रक्तिम विभागका मनकाजी गुरूंङ, मूलप्रवाहको नगरका सोभाराम सापकोटा, महिला नगर विभागकी लक्ष्मी गुरुङ लगाएतले सम्बोधन गर्नुभएको थियो।
कार्यक्रम छविलाल सापकोटाको अध्यक्षता तथा मदन थापाको सञ्चालनमा सम्पन्न भएको थियो भने उपस्थित सवैलाइ ओमप्रकास सापकोटाले स्वागत गर्नुभएको थियो।
