काठमाडौँ । पेरूमा कोरोना सङ्क्रमितको सङ्ख्या १० लाख नाघेको छ । आज बिहानसम्मको तथ्याङ्कअनुसार त्यहाँ कुल सङ्क्रमितको तथ्याङ्क १० लाख १५३ पुगेको छ ।
वल्र्डोमिटर्सका अनुसार पछिल्लो चौबिस घण्टामा एक हजार ६७८ जना नयाँ सङ्क्रमित थपिएका थिए । त्यस्तै, यस अवधिमा ४५ जना मृतकहरू थपिएसँगै मृतकको कुल सङ्ख्या ३७ हजार २१८ पुगेको छ ।
हालसम्म पेरूमा नौ लाख ३६ हजार १८२ जना सङ्क्रमित निको भएर घर फर्किसकेका छन् । २६ हजार ७५३ जना सक्रिय सङ्क्रमित भएको पेरूमा गम्भीर बिरामीको सङ्ख्या भने एक हजार १११ रहेको छ ।
हाल विश्वभरिमा पछिल्लो चौबिस घण्टामा छ लाख चार हजार १२६ जना नयाँ सङ्क्रमित थपिएसँगै कुल सङ्क्रमितको सङ्ख्या सात करोड ८३ लाख ४५ हजार ६०४ पुगेको छ । यस अवधिमा १३ हजार १६१ मृतक थपिएसँगै कुल मृतकको सङ्ख्या १७ लाख २२ हजार ८२९ पुगेको छ ।
अहिलेसम्म विश्वमा पाँच करोड ५१ लाख दश हजार ९१९ कोरोना सङ्क्रमित भएर घर फर्किसकेका छन् । विश्वमा दुई करोड १५ लाख ११ हजार ८५६ सक्रिय सङ्क्रमित रहेकोमा एक लाख छ हजार ३८२ गम्भीर बिरामी रहेका छन् ।
संसारमा सबैभन्दा बढी कोरोना सङ्क्रमित अमेरिकामा नै छन् । त्यहाँ हालसम्म एक करोड ८६ लाख ८३ हजार ७८४ कुल सङ्क्रमित र तीन लाख ३० हजार ८०५ जना कुल मृतक रहेका छन् । एक करोड नौ लाख ४४ हजार ७८ जना बिरामी निको भएर घर फर्किसकेको अमेरिकामा सक्रिय सङ्क्रमितको सङ्ख्या ७४ लाख आठ हजार ९०१ छ, त्यसमध्ये गम्भीर बिरामीको सङ्ख्या २८ हजार ४२६ जना गम्भीर बिरामी रहेका छन् ।
