काठमाडौँ । भारतमा कोरोना सङ्क्रमितको सङ्ख्या एक करोडभन्दा माथि पुगेको छ । आज बिहानसम्मको तथ्याङ्कअनुसार त्यहाँ कुल सङ्क्रमितको तथ्याङ्क एक करोड चार हजार ८२५ पुगेको छ ।

वल्र्डोमिटर्सका अनुसार पछिल्लो चौबिस घण्टामा २६ हजार ९९१ जना नयाँ सङ्क्रमित थपिएसँगै कुल सङ्क्रमितको सङ्ख्या एक करोड नाघेको हो ।

त्यस्तै, त्यहाँ कुल मृतकको सङ्ख्या एक लाख ४५ हजार १७१ पुगेको छ । पछिल्लो चौबिस घण्टामा त्यहाँ ३४२ जना मृतक थपिएका थिए ।

अहिलेसम्म भारतमा ९५ लाख ४९ हजार ९२३ जना सङ्क्रमित निको भएर घर फर्किसकेका छन् । त्यहाँ अहिले तीन लाख नौ हजार ७३१ जना सक्रिय सङ्क्रमित रहेका छन्, त्यसमध्ये गम्भीर बिरामीको सङ्ख्या आठ हजार ९४४ रहेको छ ।

पछिल्लो समयमा भारतमा सङ्क्रमित र मृतकको सङ्ख्या घट्दै गइरहेको छ । त्यहाँ खोप आयातको प्रक्रिया पनि दु्रत गतिमा अघि बढेको सरकारले जनाएको छ ।