बुटवल । महिलामाथि भइरहेका हत्या, हिंसा, बलात्कारजस्ता जघन्य अपराध तत्कालै रोक्नुपर्ने तथा महिलाहरूलाई समान अधिकार दिएर सामाजिक समानता कायम गर्नुपर्ने मागका साथ अखिल नेपाल महिला सङ्घ रुपन्देहीले प्रमुख जिल्ला अधिकारीलाई ज्ञापनपत्र बुझाएको छ ।

केन्द्रीयस्तरको कार्यक्रमलाई पछ्याउँदै २०७७ मङ्सिर २१ गते रुपन्देही जिल्ला प्रशासन कार्यालयमा पुगी ज्ञापनपत्र बुझाइएको हो ।

ज्ञापनपत्र बुझाउन अखिल नेपाल महिला सङ्घकी केन्द्रीय सदस्य तथा रुपन्देही जिल्ला सदस्य भानु केसीको नेतृत्वमा जिल्ला उपाध्यक्ष शान्ता पौडेल, सचिव दुर्गा शर्मा, सहसचिव शान्ति सापकोटा, सदस्यहरू भूमा खनाल, रेणुकुमारीसिंह क्षेत्री, विष्णु पराजुली तथा राष्ट्रिय जनमोर्चाका नेताहरू चेतनाथ आचार्य र रुकबहादुर पराजुलीसहितको प्रतिनिधि मण्डल कार्यालयमा पुगेको थियो ।