खिमबहादुर विक, हैदरावाद ।
भारतमा अलपत्र अवस्थामा बिरामी परेर मृत्यु भएकी एक महिलाको मूल प्रवाह अखिल भारत नेपाली एकता समाजले दाहसंस्कार गर्नुका साथै बालबालिकाको उद्धार गरेको छ । पाल्पाको बगनाशकाली गाउँपालिका–६ का थमन घर्तीमगरकी श्रीमती ३५ वर्षीया सिर्जना घर्तिमगरको आन्ध्र प्रदेशस्थित एलुरूमा मृत्यु भएको हो ।
भारतको तमिलनाडु राज्यको चेन्नईमा मासिक १५/२० हजार आईसी तलब पाइने र छोराछोरीलाई पढाइदिने प्रलोभनमा एक महिलासँग आएकी सिर्जनालाई बिसञ्चो भएपछि ती महिला छोडेर बेपत्ता भएकी थिइन् । ती महिलाको केही दिनदेखि पेट दुख्न थालेको र रेलको यात्राका क्रममा एपेन्डिसाइटिस भएर पुरै पेटमा इन्फेक्सन भएको चिकित्सकले बताएका थिए ।
उनको बारेमा थाह पाएपछि मूल प्रवाह अखिल भारत नेपाली एकता समाज एलुर नगर समितिले एलुरू आश्रम मेडिकल कलेजमा भर्ना गरेर उपचार गराएपनि उनको ज्यान गएको हो । ती महिलाको मृत्युपछि मूल प्रवाहले उनका आफन्तजनलाई सम्पर्क गरी उनीहरुको सल्लाह बमोजिम राजमन्ड्रीको गोदावरी नदीमा अन्तिम दाहसंस्कार गरेको थियो ।
साथै महिलाका दुई बालबालिका वर्ष १५ की मुना र १० वर्षको छोराको उद्धार गरेको छ । ति बालबालिकालाई आफन्तको जिम्मा लगाएर नेपाल पठाउने मूल प्रवाहले जनाएको छ ।
विभागको बोलपत्र आह्वानसम्बन्धी सो सूचनाले नेपालको संविधानको संवैधानिक व्यवस्था, सङ्घीयताको मर्म र भावनाविपरीत प्रदेश सरकारको अधिकारलाई सङ्कुचित गरेकाले रोक्न अन्तरिम आदेश जारी गर्नुपर्ने माग निवेदनमा गरिएको छ । उक्त निवेदनको यही मङ्सिर २६ गते संवैधानिक इजलासमा सुनुवाइ हुने तय भएको छ ।
