मेघराज रिस्मेली, जापान ।
बाग्लुङको गल्कोट नगरपालिका–१ चारकुनेका मनबहादुर विकका छोरा १९ वर्षीय राजेश विकको उपचारका लागि सहयोग गरिदिन आफन्तले अपिल गरेका छन् ।
निमोनिया र बाथको रोगबाट पीडित राजेशका अहिले काठमाडौंमा उपचार भइरहेको छ भने रोगबारे थप परीक्षणका लागि भारतको दिल्लीमा पठाइएको छ । गाउँमा ज्याला मजदुरी गरेर जीवीकोपार्जन गर्ने विक परिवारको छोरी पनि शारीरिक रुपमा अपाङग छिन् ।
घरमा छोरीको हेरचाह गर्नुपर्ने विक दम्पती काठमाडौंमा छोराका उपचारमा थप खट्नुपर्दा ज्याला मजदुरीसमेत गर्न नपाएको र आयआर्जनको बाटो नै नदेखिएको बताउँछन् । राजेशको उपचारमा करिब चार लाख रुपैयाँ खर्च भइसकेको उनीहरुको भनाई छ ।
राजेशको उपचारका लागि जापानमा रहेका बागलुङबासी र केही संघसंस्थाहरुले आर्थिक संकलनको प्रयास गरेका छन् । जापानबाट लक्षमण कार्की, मिलन केसी, मेघराज सापकोटा, कमल कार्की निम खडका तथा जापानस्थित संघसंस्थाहरु गैर आवासीय नेपाली संघ जापान, गल्कोट समाज जापान, जापान नेपाली एकता समाज, गैरे समाज, बिंहुकोट समाज, स्टा क्लब, एवन स्पोर्टस क्लव, चमुवा समाजले सहयोगको पहल गरेका हुन्।
राजेशको उपचार सहयोगका लागि सहयोग गर्न चाहनेले मिलन केसी ०८०४४५७५०७०, निम खडका ०८०४११३४०७२, कमल कार्की ०८०४०१८५६५५, लक्षुमण कार्की ०७०३८९६२०३९, तारा तेजु खत्री ०८०३७७६२०३४, मेघराज रिस्मेली ०८०१४१०३७४४ र मिनबहादुर खत्री ०८०३५२९६०३५ मा सम्पर्क गर्न आग्रह गरिएको छ।
